Ötən gün Park Cinema kinoteatrında litvalı rejissor Alqimantas Puypanın “Yatmış kəpənəklərin qəsri” filmi ilə Avropa filmləri festivalı açılıb. Filmin qəhrəmanı Monika adlı qadındır (Yanina Lapinskayte). Onun zəngin və firavan həyatı öz axarı ilə gedir. Lakin bir gün əri ilə birlikdə bir fahişə qadını maşınla vururlar və qadın xəstəxanada intihar edir. Özünü günahkar hiss edən Monika fahişəliyə görə Almaniyadan qovulmuş üç qızı şəhərətrafı evində saxlamaq təklifi ilə sosial sığınacağa müraciət edir. Bu qızlarla ünsiyyət onun dünyaya münasibətini dəyişir.
Filmin ssenari müəllifi rejissorun özüdür.
Filmin nümayişindən əvvəl mətbuat konfransında çıxış edən Puypa deyib: “Biz qadınları dünyaya göstərmək istədik. Bu gün qadın problemləri və cəmiyyətdə qadınların rolu çox artıb. Filmdə danışılan hadisələr realdır”.
Filmin premyerasında Avropa ölkələrinin səfirləri, kino xadimləri, ictimaiyyət nümayəndələri iştirak ediblər.
Festival noyabrın 10-dək davam edəcək və pulsuz olacaq.
“Festivalda məqsəd Azərbaycanla Avropa İttifaqı arasında mədəni əlaqələrin qurulması, Avropa dəyərlərinin təbliğidir, - Aİ-nin Azərbaycandakı missiyasının rəhbəri Rolan Kobia qeyd edib. O ümidvar olduğunu bildirib ki, filmlərin nümayişi Azərbaycan vətəndaşlarının Avropa kino sahəsində gedən proseslərdən daha yaxşı xəbərdar olmasına və başa düşməsinə imkan verəcək.
Proqrama müxtəlif janrlarda - komediya dram, triller, detektiv 14 film daxildir. Filmlərin arasında Almaniyada yaşayan azərbaycanlı rejissor Elmar İmanovun da filmi var.
Tədbirin təşkilatçıları Aİ-nin Azərbaycan nümayəndəliyi, Mədəniyyət və Turizm Nazirliyi və Park Cinema-dır. -02V-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz