Bakıda yunan musiqi gecəsi

Bazar günü Bakıda Rembetik yunan musiqi gecəsi keçirilib. Bu, Yunanıstanda 1920-30-cu illərdə məşhur olan şəhər müəllif mahnısı üslubudur, rembet (yunan ara  mahnıları) folklorunun Kiçik Asiya repatriantlarının musiqisi ilə birləşməsi nəticəsində yaranıb. 

Bakıda rembetikanı Maksis Stamulis (buzuka), Konstantinos Spiliopolus (gitara) və Maria Spiroqloy (baqlama) təqdim ediblər. 

    Rembetika haqqında danışan Maksis Stamulis qeyd edib ki, onu nümayəndələri qaçqın və məcburi köçkün taleyi yaşamış bütün xalqların musiqisi hesab etmək olar. 

    Vaxtilə Yunanıstanda bu musiqi üslubunun ifaçılarının təqib olunmasına baxmayaraq, xalq onu qoruyub saxlayıb və indi Rembetika mahnıları yenə həm yaşlı nəsil, həm də gənclər arasında çox məşhurdur və sevilir. Hər bir ailə bayramında onlar səslənir və ən yaxşı restoranlarda və tavernalarda səslənir. 

Uzun illər əvvəl olduğu kimi, ənənəvi olaraq mahnılar rəqslərlə müşaiyət olunur. Onlardan ən təsirlisi zeybekikos - rəqqasın hisslərini büruzə verən və ruhunu açan rəqs-improvizasiyadır. Zeybekikos bəzən bir kvadrat metrdən çox olmayan kiçik meydançada ifa  olunur. 

    Qeyd edək ki, Bakıdakı konsertdən əvvəl də bir hadisə baş verib. Belə ki, Stamulis tamaşaçılara bildirib ki, uçuş zamanı onun buzukası qırılıb. Konsert pozula bilərdi, amma xoşbəxtlikdək qısa müddət ərzində Bakıda onun üçün buzuka tapılıb və Stamulis onu çalıb. Aralarında ABŞ, Yunanıstan, Argentina, İspaniya səfirlərinin də olduğu tamaşaçılar üçün yunan musiqiçilər 40-a yaxın əsər ifa ediblər, auditoriya onların hər birini güclü alqışlarla qarşılayıb. -0-