Bakı/26.05.17/Turan: Azərbaycan Xalq Cümhuriyyətinin 99 illiyi ərəfəsində İranda məşhur tarixçi, professor və Azərbaycan Demokratik Qüvvələrinin Milli Şurasının lideri Cəmil Həsənlinin "1918-1920-ci illərdə Azərbaycan Xalq Cümhuriyyətinin xarici siyasəti" adlı kitabı nəşr olunub.
Monoqrafiya Tehranda "Surushe Sepehr" nəşriyyatında çap olunub.
Əsərdə AXC-nin yaradılması, onun fəaliyyəti, qonşu ölkələr və böyük dövlətlərlə münasibətləri işıqlandırılıb.
Kitab Azərbaycan dilindən professor Hüseyn Şərqi tərəfindən tərcümə olunub.
Bu, sözügedən əsərin ikinci çapıdır, ilk dəfə monoqrafiya bir neçə il əvvəl "Herime Elm" nəşriyyatı tərəfindən dərc olunmuşdu.
Təkrar nəşr İran oxucularının AXC tarixinə, Oktyabr İnqilabının Qafqaza təsiri, böyük dövlətlərin Bakı nefti uğrunda mübarizəsi, Türk İslam Ordusunun Qafqaza hücumu, Ermənistanla müharibə və Dağlıq Qarabağ uğrunda mübarizə, Qərbin AXC-ni tanıması və onun beynəlxalq ictimaiyyətə inteqrasiyası haqqında tarixə marağı ilə izah olunur.
Monoqrafiyada AXC-nin qurucuları M.Rəsulzadə, A.Topçubaşov, F.Xoyski, N.Yusifbəyov və onların tarixi xidmətləri haqqında ətraflı məlumat verilir. -02D-
Mədəniyyət
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
Rəy yaz