Ötən gecə Dağıstanın Dərbənd şəhərində Azərbaycan şairi və mütəfəkkiri Nizaminin abidəsi yandırılıb.
Abidənin olduğu şəhər parkında təmir işləri gedir və abidə ağ parça ilə örtülüb. Barbarlar parçanı yandırıblar və abidə yanıb. Bu barədə Turan-a şəhər sakinləri məlumat veriblər.
Bundan öncə abidənin üzərinə rəng çəkilib və barmağı sındırılmışdı. Bu barbarlıq aktı barədə mətbuat yazmışdı.
Azərbaycan ictimaiyyəti baş verənlərdən narahatdır və bu işdə abidələrin qorunması üzrə tədbirlər həyata keçirməyən Dərbənd rəhbərliyini günahlandırır.
Bu yaxınlarda şəhərdə digər azərbaycanlı, Sovet İttifaqı qəhrəmanı Şamsul Ağayevin abidəsi dağıdılmışdı,
Dərbənd ictimaiyyəti bu faktlardan hiddətlənib və etiraz mitinqi keçirmək niyyətindədir, mənbə bildirib.-02D-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz