Azərbaycanlı ifaçı Elnur Hüseynov “О səs Türkiye” beynəlxalq mahnı müsabiqəsinin qalibi olub.
Türkiyədə bu layihə bir neçə həftə ərzində TV8 kanalı ilə yayımlanıb.
Bütün turları keçən E.Hüseynovun finalda rəqibi türkiyəli müğənni Kaya Aslantəpə olub. Iakin tamaşaçıların göndərdikləri sms-lərin sayəsində E.Hüseynov qalib olub.
Müsabiqənin müxtəlif mərhələlərində o, Azərbaycan, türk və italyan mahnılarını ifa edib.
E.Hüseynov 2008-ci ildə “Eurovision” mahnı müsabiqəsində Samir Cavadzadə ilə duet ifa edib və onlar 8-ci yeri tutublar.
Bundan sonra duet birgə çıxışlar etməyib və E.Hüseynov Azərbaycan estradasında demək olar ki, görünməyib.
Vikipedoyanın məlumatına görə, 27 yaşlı E.Hüseynov hərbçi və musiqiçi ailəsində anadan olub. 1992-ci ildə Türkmənistan Konservatoriyası yanında musiqi məktəbinin fortepiano sinfinə daxil olub.
1999-cu ildə ailə Bakıya köçüb. E.Hüseynov Bakıda Tibb texnikumunu texnik-stomatoloq ixtisası üzrə bitirib. 2001-ci ildə Asəf Zeynallı adına Musiqi Məktəbinə daxil olub və 2004-cü ildə oranı bitirib.
Bərbər-stilist sənətini də öyrənib. Azərbaycan Dövlət Opera və Balet Teatrında, Azərbaycan Dövlət Filarmoniyası kapellasında və kilsə xorunda çalışıb.
2003-cü ildə “Sing Your Song” televiziya müsabiqəsinin qalibi olub. -02В-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz