Bakı/01.03.18/Turan: British Council Azərbaycan nümayəndələyi Böyük Britaniya səfirliyi ilə birlikdə Nizami Kino Mərkəzində "Deaf Men Dancing" rəqs ansamblının səhnələşdirilmiş "Ten" rəqs tamaşasını təqdim edir.
British Council-in məlumatında bildirilir ki, "Unlimited" proqramının tərkib hissəsi kimi həyata keçirilən bu layihə incəsənət fəaliyyəti ilə məşğul olan məhdud imkanlı insanların məkanlara, prodüserlərə və qərar qəbul edən məmurlara çıxışının təmin edilməsi və bu insanların inklüziv əsər yaratmaq və təqdim etmək bacarıqlarının inkişaf etdirilməsi yolu ilə onları dəstəkləyir. Bu tamaşa fiziki imkanları məhdud olan və olmayan insanların birlikdə çalışıb çətinliklərə sinə gərməsi və inanılmaz cazibəyə malik incəsənət əsərləri yaratmasının bariz nümunəsidir.
British Council Azərbaycanın direktoru Elizabet Uaytın sözlərinə görə, bu, diqqətəlayiq rəqs tamaşası ruhlandırıcı və yenilikçi rəqs ansamblının tamaşasıdır. "Sizi inandırıram ki, həyatınızda belə bir gözəlliklə qarşılaşmamısınız. Bu rəqs tamaşası həm sizə zövq verəcək, həm də sizi rəqs və ünsiyyət barədə ətraflı düşünməyə sövq edəcək",- o bildirib.
Ten adlı rəqs tamaşası martın 12-də saat 19:00-da Yarat Müasir İncəsənət Mərkəzində, martın 13-də saat 19:00-da Nizami Kino Mərkəzində da nümayiş etdiriləcək.
Xoreoqraf və rejissor kimi fəaliyyət göstərən Mark Smitin bədii rəhbəri olduğu "Deaf Men Dancing" rəqs ansamblı Mark kimi eşitmə qabiliyyəti məhdud olan peşəkar rəqqasları bir araya toplayır. Birlikdə onlar unikal, maraqlı və orijinal estetika nümunəsi ərsəyə gətirməklə yanaşı, xoreoqrafiya elementləri və işarə dili ilə zənginləşdirilmiş müxtəlif rəqs üslublarının birləşməsini yaradır.
Eşitmə qabiliyyəti məhdud olan rəqqaslardan ibarət "Deaf Men Dancing" rəqs ansamblı Britaniya işarə dili ilə zənginləşdirilmiş müxtəlif rəqs üslublarını özündə birləşdirir.
Eşitmə qabiliyyəti məhdud olan iki kişi səhnəyə çıxır. Onlar improvizasiya olunmuş kürsü yaradır, "Eşitmə imkanlarının məhdudluğu haqqında məlumatlılıq üçün on ehkam"ı tamaşaçılara Britaniya işarə dili, pantomima, fiziki teatr üslubu və rəqslər vasitəsilə çatdırır.
Rəqs ansamblının təcrübəsinin mahiyyəti işarə dilindən rəqs tamaşasının əlavə elementi kimi istifadə etmək deyil, onun yaradıcılıq prosesinin ayrılmaz hissəsi olmasını təmin etmək və onu hərəkətə çevirməkdir. Proses rəqqasların mahnı sözlərini bir-birinə jestlərlə izah etməsi ilə başlayır, məhz bu yerdə birbaşa izahetmə prosesi başa çatır. Mahnı sözlərini jestlərlə izah edən zaman rəqqasların istifadə etdiyi elementlər zərifliyi və gözəlliyi ilə diqqət çəkməyə başlayır. Kiçik əl jestləri xoreoqrafiyanın tərkib hissəsinə çevrilir və səslənən musiqinin lirik keyfiyyətlərini və onun yaratdığı emosiyaları vurğulayır.
Bütün KİV nümayəndələri 9 mart saat 12:00-da Gənc Tamaşaçılar Teatrında keçiriləcək mətbuat konfransına dəvət edilir.
Kollektivin Bakı çıxışının proqramı:
9 mart - Gənc Tamaşaçılar Teatrı, saat 19:00-da Bir Günəş Altında tamaşasının premyerası
12 mart - Yarat Müasir İncəsənət Məkanı, saat 19:00-da "Deaf Men Dancing" rəqs ansamblının Ten tamaşası
13 mart - Nizami Kino Mərkəzi, saat 19:00-da Bir Günəş Altında, saat 20:00-da "Deaf Men Dancing" rəqs ansamblının Ten tamaşası
15 mart - Yarat Müasir İncəsənət Məkanı, saat 19:00-da Bir Günəş Altında tamaşası-02D-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz