Bakı/06.11.18/Turan: Avropa İttifaqının Azərbaycan nümayəndəliyinin təşəbbüsü ilə keçirilən "Fantazia" mədəni irs festivalı çərçivəsində fotosərgi açılıb.
Vernisajda şəhərin tarixi prizmasından müasir Bakını əks etdirən fotoəsərlər təqdim edilib. Belə ki, fotoqraflar paytaxtın təadını: müasir binaları, qədim tikililəri və sovet dövründən qalan binaları göstəriblər.
20-ci əsrin əvvəllərində Qərbi Avropadan dəvət olunan memarlar şəhəri layihələndirib və abadlaşdırıb. Həmin dövrdə Bakıda viktorian üslubunda və qərb təsirini əks etdiyən çox sayda binalar tikilib.
Bakıda olan memarlıq irsi dörd fərqli ruha malikdir: orta əsrlərdə salınan daxili şəhər, başqa sözlə İçərişəhər, neftin ilk istismarı zamanı tikilən təntənəli binalar, sovet və müasir dövrə mənsub yasayış layihələri.
Bakı memarlığının zəngin keçmişini vurğulayan yerli və əcnəbi fotoqraflar onun irsini və qorunub saxlanmasının vacibliyini öz əsərlərində dilləndirirlər.
""Bakı şəhərinin Avropa memarlıq irsi" adlı fotolayihə yerli əhalinin milli mədəni və memarlıq irsinin təbliği və qorunub saxlanılması, həmçinin nümunələrə yeni nəslin diqqətini cəlb etmək və bu kimi məsələlərdə gənclərin rolunu artırmaq məqsədilə təqdim olunur", deyə tədbirlə bağlı press-relizdə bildirilir.
Noyabrın 1-dən start götürmüş "Fantazia" festivalı noyabrın 10-da başa çatacaq. Festival çərçivəsində konsertlər, ekskursiyalar, film nümayişləri, sərgilər, bəddi installyasiyalar, müsabiqələr və beynəlxalq və yerli səviyyədə ekspertlərlə müzakirələr keçirilir. -71D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz