Photo: Marek Novotný
Bakı/20.05.22/Turan: Marek Novotni (piano), Libor Şmoldas (gitara), Maksim Makaqonov (bas) və Tomaş Hobzekin (zərb alətləri) iştirakı ilə Çex caz kvarteti 25 may 2022-ci il tarixində saat 21:00-da Landmark Orange Grove-da (Bakı, Nizami küçəsi 90A) çıxış edəcək. Çexiya Səfirliyinin birgə təşkilatçılığı ilə konsert Bakı Piano Festivalı çərçivəsində keçirilir.
Çex bəstəkar, aranjimançı və pianoçu Dr. Marek Novotni musiqi nəzəriyyəsi üzrə fəlsəfə doktoru dərəcəsinə malikdir. 2010-cu ildə Marek Massaçusets Amherst Universitetində caz bəstəkarlığı üzrə magistr dərəcəsini bitirmiş və burada Grammy mükafatı laureatı Cefri Holmsdan tam təqaüd almışdır. Marek Novotni simfonik orkestr üçün beş hissədən ibarət "Yay süitası" ilə məzun oldu.
Marek David Dorujka, Epoque Simli Kvartet, Cənubi Bohemiya Filarmonik Orkestri, Obri Conson, Karl Klemens, Paul Lieberman, Bob Vayner, Crystal Monee Hall, Marsella Kamarqo, Maykl Mayo, Kris Kazarian, Pam Stiber, Ceyson Robinson, Fil MakDermot, Inbar Fridman, Marko Peretti, Merion Solivan, Reyçel Luz və Lüsiana Pires kimi musiqiçilərlə əməkdaşlıq edib. Müxtəlif layihələri ilə Böyük Britaniya, Almaniya, Norveç, Danimarka, ABŞ və Çində qastrol səfərlərində olub.
Mayın 25-də keçiriləcək Bakı konsertinə biletləri iticket.az saytından əldə edə bilərsiniz.—0-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz