Bakı/29.04.20/Turan: "Jeko Print" nəşriyyatında tarixçi Aydın Balayevin "Fərqli M.F.Axundov: əqidəli rusofil, İran aşiqi və "azərbaycanlı" kimliyinin banisi" kitabı çap olunub.
Axundov haqqında onun həyatı, ləyaqəti və əsərlərinin nöqsanları, habelə fəlsəfi dünyagörüşü haqqında digər kitablardan fərqli olaraq, bu əsər "azərbaycanlı" və ya "Azərbaycan türkü" adlandırılan kimliyin formalaşması prosesində Axundovun roluna həsr edilib.
Məsələnin aktuallığı ondadır ki, bu mövzu ətrafında mübahisələr başa çatmaqdan uzaqdır. 100 il əvvəl olduğu kimi, bu gün də cəmiyyətdə kimliyin 3 forması: türk, azərbaycanlı və islam kimliyi haqqında mübahisələr gedir. Həm də bugünki vəziyyət daha qarışıq və ziddiyyətlidir.
XX əsrin əvvəllərində islam tərəfdarları şiə, mahiyyətcə isə İran kimliyini bərqərar etməyə çalışır. İndi isə Azərbaycanda sünniliyin müxtəlif cərəyanları geniş yayıldıqca islam kimliyinin öz aralarında mübarizə aparan bir çox formaları meydana çıxıb.
Digər tərəfdən, "azərbaycanlı kimliyi" anlayışı da xeyli dəyişikliyə məruz qalıb. Bu ideyanın müəllifi M.Ə.Rəsulzadə nəinki Azərbaycanlıların türk əsilli olduğunu inkar etmirdi, əksinə, bu amili azərbaycançılıqın əsas elementi hesab edirdi.
Bu arada, müasir şərhdə "azərbaycanlı kimliyi" müxtəlif mənşəli etnik və mlli qrupları bir vəhdət şəklində birləşdirən məşhur "sovet" və ya "osmanlı" kimliyini xatırladır.
Əsər Axundov irsinə qarşı kifayət qədər tənqidi tonda yazılıb, amma onun milləti qarşısında çox qiymətli xidmətlərini kiçiltmir.
Kitabı "Kitabevim.az" və "Oksford" (metronun "28 May" stansiyasının yaxınlığında) mağazalarından, habelə "Akademkitab"dan (Ədəbiyyat Muzeyinin altında) almaq olar. -02D-
Mədəniyyət
-
Azərbaycanda kitabların qiyməti geniş diapazonda dəyişir və adətən 5-25 AZN ($3-$15) arasında olur. Bununla belə, artan yaşayış xərcləri səbəbindən bir çox kitabsevərlər sevdikləri əsərləri əldə etməkdə çətinlik çəkirlər. Nəticədə, ikinci əl kitablar, elektron kitablar və ya xarici ölkələrdən onlayn sifarişlər daha sərfəli alternativlər kimi populyarlaşır.
-
İncəsənət və ekologiyanın birləşdiyi COP29 yaşıl zonasının mərkəzində Azərbaycan cəsarətli bəyanatla çıxış edib. Dünya səslərinin hay-küyü arasında ART Pavilion mədəniyyətin, yaradıcılıq və davamlılığın kəsişməsinə bariz sübutdur. Onun mərkəzində azərbaycanlı rəssam Aida Mahmudova özünün təəssüratoyadıcı Beyond Functionality adlı sərgisini təqdim edib.
-
Mexikoda keçirilən möhtəşəm mərasimdə Danimarkanın kiçik Dunstal şəhərindən olan 21 yaşlı Victoria Kjær Teilvig “Miss Universe” yarışmasının qalibi elan olundu. Bu, Danimarkadan olan iştirakçının bu mötəbər titulu qazandığı ilk haldır.
-
İqlim dəyişikliyinin təsirləri getdikcə artan bir dünyada, incəsənət gözlənilməz, lakin güclü bir platforma olaraq ortaya çıxaraq ekoloji məsuliyyət barədə məlumatlandırma və müzakirələrə təkan verir. Bu təşəbbüslərdən biri də hazırda Goethe-Institutun dəstəyi ilə Kapellhausda nümayiş olunan “Başqa bir iqlim növü” adlı sərgidir. Bu sərginin zamanlaması təsadüfi deyil və 11-22 noyabr tarixlərində Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransı — COP29 ilə üst-üstə düşür. Sərgi, yerli və beynəlxalq perspektivləri birləşdirərək tamaşaçılara vacib ekoloji məsələlər barədə düşünməyi təklif edir.
Rəy yaz