ngiltərəli Fidan Hacıyeva Womad musiqi festivalında iştirak edib

Ənənəvi olaraq hər il İngiltərədə keçirilən "Womad" musiqi festivalında əsasən dünya xalqlarının mədəniyyəti və musiqi folklorunun nümunələrinə baxış keçirilir.

Festivalda 18 yaşlı Fidan Hacıyeva "Saçıburma" mahnısını ifa edib.

Fidan Bakıda doğulub, lakin valideynləri İngiltərəyə köçəndən sonra o, Londonda böyüyüb-başa çatıb.

Fidan BBC Radio 3 "World Routes Academy" proqramının mükafatçısıdır.

Bu proqramın məqsədi Britaniyada xarici xalqların mədəniyyətlərini təbiliğ etməkdən ibarətdir.

BBC əməkdaşı Martin Vennard ilə söhbətində Fidan Hacıyeva muğama sevginin atasından ona keçdiyini bildirib.

"Muğam mənim üçün Azərbaycan və Qarabağ deməkdir", Fidan vurğulayıb.

"BBC Radio 3 World Routes Academy proqramının mükafatçısı olmaq, bu proqramda iştirak etmək sənin üçün nə deməkdir" sualına cavab olaraq Fidan bu hadisənin ona "böyük qürur" verdiyini bildirib:

World Routes Academy proqramları çərçivəsində muğam və musiqidən Fidana dərs demək üşün Azərbaycandan xanəndə Qoçaq Əsgərov seçilib.

Qoçaq Əsgərov Londonda yaşayan Fidana dərsi Skype kompüter proqramı vasitəsilə deyib.

May ayında isə Fidan Hacıyeva BBC heyətilə birgə Azərbaycanda ezamiyyətdə olub, BBC-nin Azərbaycan muğamı və musiqisinə həsr olunmuş çəkilişlərində iştirak edib.

Avqust ayının sonuna yaxın isə BBC-nin təşkil etdiyi Proms konsertləri çərçivəsində Londonun məhşur Royal Albert Hall filarmoniyasında Qoçaq Əsgərovun və Fidan Hacıyevanın ifaçılıq çıxışları gözlənilir.

Fidan Hacıyeva həmin konsertə artıq indidən hazırlığa başladığını qeyd edərək, bu hadisənin onun üçün böyük bir məsuliyyət olduğunu da vurğulayıb:

Bununla belə 18 yaşlı Fidan peşəkar muğam ifaçısı, ya müğənni olacağı barədə hələlik qəti bir qərara gəlməyib:

Fidanın sözlərinə görə, gələcəkdə kim olacağını indidən əminliklə deməyə çətinlik çəksə də, həyatının musiqilə sıx bağlı olacağına, özünün təbirincə, "musiqinin içində olacağına" şübhə etmir.