Professor Süleyman Əliyarlı torpağa tapşırılıb (YENİLƏNİB)
Məşhur Azərbaycan alimi, tarixçi Süleyman Əliyarlı cümə günü Bakının Yasamal qəbirstanlığında dəfn edilib. Dəfn mərasimində Azərbaycanın elmi və demokratik ictimaiyyətinin çox sayda nümayəndəsi, mərhumun professoru olduğu Bakı Dövlət Universitetinin rəhbərliyi, tələbələri və müəllimləri iştirak ediblər.
Dəfn mərasimində qısa nitqlə çıxış edən Müsavat Partiyasının lideri İsa Qəmbər Əliyarlını dahi insan və təkcə Azərbaycan xalqının deyil, həm də türk dünyasının alimi adlandırıb.
“Süleyman Əliyarlı kimi insanlara həyatda ikən dəyər verilməlidir”, deyə Qəmbər bildirib.
Əliyarlı Azərbaycanın müasir tarix elminin ən görkəmli nümayəndələrindən biridir. O, uzun müddət Azərbaycan Tarixi Kafedrasına rəhbərlik edib.
1954-cü ildə MDU-dan məzun olan Əliyarlı sovet dövründə Azərbaycanın Rusiya İmperiyasına könüllü şəkildə qoşulması haqqında tezisə qarşı çıxdığı üçün təzyiqlərə və təqiblərə məruz qalıb. O, həmçinin 1984-cü ildə azərbaycanlılarn ümumtürk köklərinə diqqət çəkilən Azərbaycan xalqının etnogenezi haqqında araşdırmanın nəşrinə görə hücumlara məruz qalıb.
Əliyarlı “Kitabi Dədə Qorqud” qədim türk dastanının Drezden kitabxanasında saxlanılan orta əsrlərə aid əlyazmasını (ikinci əl yazması Vatikanda saxlanılır) tədqiq edib.
2013-cü ilin avqustunda Əliyarlı Türk Dünyası Araşdırmaları Akademiyasının akademiki, habelə Ümumdünya Türk Xalqları Konqresinin Ağsaqqallar Şurasının fəxri prezidenti və rəhbəri seçilib.
Əliyarlı yanvarın 17-nə keçən gecə - həyat yoldaşının 40-dan bir gün əvvəl vəfat edib. -03C06-
2014 Yanvar 17 (Cümə) 11:38:13
Görkəmli azərbaycanlı alim, tarix elmləri doktoru, BDU-nun professoru Süleyman Əliyarlı yanvarın 16-da 84 yaşında dünyasını dəyişib.
S.Əliyarlı 1954-cü ildə MDU-nu bitirib. Sovet dövründə Azərbaycanın Rusiya imperiyasına könüllü qoşulması haqda tezisin əleyhinə çıxdığı üçün təzyiq və təqiblərə məruz qalıb. Həmçinin 1984-cü ildə Azərbaycan xalqının etnogenezi haqda araşdırmalara görə hücumlara məruz qalıb. Belə ki, araşdırmalarda azərbaycanlıların ümumtürk soyuna mənsub olmasına diqqət yetirilirdi.
S.Əliyarlı Drezden kitabxanasında saxlanılan (ikinci əlyazma Vatikanda saxlanılır) qədim türk eposu “Kitabi Dədə Qorqud”un orta əsr əlyazması üzrə tədqiqatçı olub.
1989-2000-ci illərdə parlamentdə Toponomiya komissiyasına rəhbərlik edib, 1992-2001-ci illərdə Ali Attestasiya Komissiyası Rəyasət Heyətinin üzvü olub.
2013-cü ilin avqustunda Türk Dünyası Araşdırmaçılar Akademiyasının akademiki, həmçinin Türk Xalqları Ümumdünya Konqresinin Ağsaqqallar Şurasının fəxri prezidenti və rəhbəri seçilib.
150-dən çox elmi məqalənin, 7 monoqrafiyanın, 8 kitabın müəllifidir.
Turan agentliyi mərhumun qohumlarına və yaxınlarına dərin hüznlə başsağlığı verir.
Allah rəhmət eləsin.—06В--
-
- Cəmiyyət
- 17 Yanvar 2014 16:17
-
- İqtisadiyyat
- 17 Yanvar 2014 17:04
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz