Sənaye istehsalı 1,8% artıb

2013-cü ildə Azərbaycanda sənaye istehsalı 1,8% artıb. Bu il ölkədə “Sənaye ili” elan edilib.

Dövlət Statistika Komitəsinin məlumatına görə, ötən il sənaye istehsalının həcmi 33,7 mlrd. manat təşkil edib, bunun dörddə üçü mədən sektorunun payına düşür. Bu zaman neft sahəsində sənaye istehsalı 1,1%, qeyri-neft sahəsində isə 4,8% artıb.

Dövlət SOCAR-ın və onun qurumlarının (“Azərkimya”, “Azəriqaz”), “Azərenerji”, “Azərneftkimyamaş”, “Azərsu” və s. şəxsində sənaye istehsalının təxminən 20%-nə nəzarət edir. Hökumət 2011-ci ildə Sumqayıtda və Bakının Balaxanı qəsəbəsində üç sənaye və texnoloji parkın salınmasının təşəbbüskarı olub. Ötən il Sumqayıt kimya-sənaye parkında ilk müəssisələr yaranıb, onlar 7 il müddətinə vergidən azaddırlar.

2013-cü ildə Bakıda gəmiqayırma zavodu və “Gəmi təmiri və gəmiqayırma” istehsalat birliyi, Bakıda və Qazaxda iki sement zavodu və s. sənaye müəssisələri istismara verilib.

Metallurgiya sənayesi böyük potensiala malikdir, bu sənayeyə “Baku Steel Company” MMC nəzarət edir. Ötən ilin aprel ayında dövlət başçısının fərmanı ilə “Azərbaycan poladtökmə kompleksi” dövlət QSC yaradılıb. Bu kompleksə Daşkəsən rayonunda dəmir filizi çıxarılmasından Gəncə şəhərində polad məhsulların istehsalına qədər bir neçə müəssisə daxil olacaq. Hələlik bu istiqamətdə işlərin necə getdiyi məlum deyil, lakin “Baku Steel Company” artıq bildirib ki, Gəncədə metallurgiya müəssisələrinin yaradılması üzrə investisiya fəaliyyətinə başlayıb. Görünür, metallurgiya sahəsində “Baku Steel Company”nin yerli bazarda son qoyduğu rəqabət qızışır, amma bu dəfə artıq dövlətin özəl sektorla rəqabətindən söhbət gedir.

Ekspertlərin fikrincə, neft gəlirləri artdıqca və dövlət vəsaitləri üzərində nəzarət azaldıqca, Azərbaycanda oliqarxiya kapitalı formalaşıb, bu kapital iqtisadiyyata, o cümlədən sənaye axın edib. Bu gün sənaye sektorunda məmur burjuaziyası böyük pul axınlarına nəzarət edir. -08B-