Sənədli filmlər festivalı hakimiyyətin nəzarəti altındadır?

Cümə günü Bakıda CAUCADOC və bizim hüquqlar və bizim gələcək” mövzusunda sənədli film festivalı start götürüb.

Festival “Demokratiya naminə incəsənət” (Art for democracy) kampaniyası, “Azad gənclik” gənclər ərəkatı tərəfindən Çexiya İnkişaf Agentliyinin həyata keçirdiyi regional kino layihəsi olan CAUCADOC-la birgə keçirilir.

Festival təşkilatçıları tədbirin keçirilməsi üçün yer axtararkən problemlərlə qarşılaşıblar. Bakının bütün kinoteatrları və böyük otelləri zallarını verməkdən imtina edib. Bundan sonra tədbirin EL hərəkatının ofisində keçirilməsi planlaşdırılırdı, lakin hərəkat özü ofisdən çıxarıldı.

Son anda Vətəndaş Həmrəyliyi Partiyası ilə festivalın partiya ofisində keçirilməsi haqqında razılıq əldə etmək mümkün olub. Amma bura da hakimiyyətin müdaxiləsi olmadan ötüşməyib. Tədbir başlamazdan əvvəl Xətai rayon İcra Hakimiyyəti nümayəndələri “kəşfiyyata” gəliblər, daha sonra isə bir neçə avtomobillə polis gəlib. Onlara tədbirin maarifləndirici xarakter daşıdığı bildirilib və çağırılmamış qonaqlar ofisi tərk ediblər. Lakin sonradan MTN nümayəndələri tədbirə gəliblər və filmlərin etibarlı olub-olmadığına baxmağa başlayıblar.

“Azad gənclik” hərəkatının sədri Ülvi Həsənlinin verdiyi məlumata görə, festival üç gün davam edəcək və 6 film nümayiş olunacaq. Hər bir film nümayişindən sonra ekspertlər tərəfindən qiymətləndiriləcək və müzakirələr baş tutacaq.

CAUCADOC meneceri Şarka Zahradnikova qeyd edib ki, layihənin məqsədi Cənubi Qafqazda sənədli film sahəsini inkişaf etdirməkdir.

Festival proqramına hələlik müxtəlifl ölkələrdə insan hüquqlar, sosial, iqtisadi və mədəni problemlər mövzusunda çəkilmiş 6 film daxildir. -16C06-