Dekabrın 23-də Caz Mərkəzində Xocalıdan olan musiqiçi Valeh Hüseynova dəstək olaraq xeyriyyə konserti keçirilib.
O, Dağlıq Qarabağın Xocalı şəhərinin qəhrəmancasına müdafiəsində iştirak edib. 1992-ci il dekabrın 25-dən 26-na keçən gecə onlarla soydaşının düşmən əhatəsindən çıxarılmasına yardım göstərib. Həyat yoldaşını itirib, özü isə əsir düşüb.
Dinc dövrdə Valeh musiqiçi olub və Qarabağda onu hamı yaxşı tanıyıb. Əsirlikdə ermənilər onun “Qarabağ mahnılarını ifa etdiyinə” görə əllərini yandırıblar, barmaqlarını sındırıblar.
Bütün bu iztirablara tab gətirən Valeh öz ləyaqətini itirməyib, düşmən qarşısında əyilməyib. Əsirlikdn azad edildikdən sonra uzun müddət müalicə alıb, tədricən zədələnmiş əlləri bərpa olunub. Bu gün o, yenidən çıxış edir.
Konsertə gələnlər musiqi ifaçılığını özü öyrənən Valehin və onun dostlarının istedadına, məharətinə əmin olublar.
Qeyd edək ki, ansamblın iştirakçıları əslən işğal olunmuş regionlardandır. Onların xüsusi musiqi təhsili yoxdur, lakin Qarabağdan olmaları bu təhsili uğurla əvəzləyir.
Valehin əhvalatı “Sonsuz dəhliz” sənədli filmində əksini tapıb.
Konsert zamanı Litvadan olan rejissor və prodüser Andryus Brokas ilə telekörpü təşkil edilib. O, filmdə Valehin rolundan və yerindən danışıb.
Konsertdə bir çox tanınmış müsiqiçilər iştirak ediblər. Onların arasında İsfar Sarabski, Emma Ələkbərzadə, Tünzalə Ağayeva da olub.
Gecənin ən emosinal ən zirvəsi isə ansambl solistlərinin Qarabağ musiqi mədəniyyətinin “vizit kartı” olan “Qarabağ şikəstəsi”ni ifa etməsi olub.02В-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz