Britaniyanın məşhur Viktoriya və Albert muzeyinin direktoru Martin Rot Bakıda səfərdədir. Aprelin 9-da mədəniyyət və turizm naziri Əbülfəz Qarayev onu qəbul edib. O, qonağa qarşıda duran Üçüncü Mədəniyyətlərarası Dialoq Forumu, ölkə muzeylərinin fəaliyyəti, sərgilərin təşkili və muzeylər arasında mübadilələr, xüsusən Viktoriya və Albert muzeyi ilə Azərbaycan muzeyləri arasında əməkdaşlıq haqqında məlumat verib.
Öz növbəsində, Martin Rot yerli muzey mütəxəssisləri ilə əməkdaşlıq qurulmasında və eksponatların mübadiləsində maraqlı olduğunu bildirib. Xüsusən, o, Xalçaçılıq Muzeyinə, Lahıc qəsəbəsinə və ölkənin digər tarixi yerlərinə maraq ifadə edib, deyə Mədəniyyət Nazirliyinin saytı bildirir.
Qeyd edək ki, Viktoriya və Albert Muzeyi Britaniyanın ən məşhur muzeylərindən biridir. Xüsusən orada Azərbaycanın XVI əsrə aid sahəsi 56 kv. metrdən çox olan ən böyük “Şeyx Səfi” xalçası saxlanılır.
* Bu xalçanı Təbrizli usta Maqsud Kaşeni toxuyub, o, köməkçiləri ilə birlikdə iki ilə yaxın çalışıb və əsəri 1539-cu ildə tamamlayıb.
Xalça Təbrizdə Səfəvilərin türbəsini bəzəyirdi, 1891-ci ildə isə oradan yoxa çıxıb.
Bir il sonra “Şeyx Səfi” Londonda 200 min funt-sterlinqə satışa çıxarılıb (indiki məzənnə ilə on milyonlarla funt).
Viktoriya və Albert muzeyi xalçanı almanların almaması üçün ictimaiyyətə pul yığmaq çağırışı ilə müraciət edib. İngilislər həmrəylik göstəriblər və pul yığılıb. Həmin vaxtdan etibarən “Şeyx Səfi” bu təsviri incəsənət muzeyinin 4 mln. eksponatı arasında ən dəyərli eksponatlardan birinə çevrilib. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz