14 erməni hərbiçinin işi üzrə məhkəmə iclası

Bakı/25.06.21/Turan: İyunun 25-də Bakı Ağır Cinayətlər Məhkəməsində ötən il dekabrın 13-də Qarabağda Hadrut qəsəbəsi yaxınlığında əsir götürülmüş 14 erməni hərbiçinin işi üzrə proses davam etdirilib.

Onlar Cinayət Məcəlləsinin 214.2.1, 214.2.3 (mütəşəkkil qrup tərəfindən törədilən terrorçuluq), 228.3 (mütəşəkkil qrup tərəfindən qanunsuz silah və partlayıcı maddə əldə edilməsi), 279.2 (qanunsuz silahlı birləşmənin müəssisələrə və ya ayrı-ayrı şəxslərə hücumu) və 318.2-ci (Azərbaycan dövlət sərhədini qanunsuz keçmə) maddələri ilə ittiham olunurlar.

Xatırladaq ki, 2020-ci ilin dekabrında Hadrut rayonunda Ermənistan Silahlı Qüvvələrinin atəşkəs sənədi imzalandıqdan sonra Azərbaycana göndərilmiş bölməsi (60 nəfərdən çox) əsir götürülüb. Bu hərbiçilər Azərbaycan hərbiçilərinə və mülki şəxslərə hücum edərək, bir neçə nəfəri öldürüblər. Saxlanılanların bir hissəsi bir neçə mərhələdə azad edilib. Digərləri üç qrupa bölünüb və məhkəmə qarşısına çıxarılıb. -02D-