1992-ci ilin fevral hadisələri barədə

Turan agentliyinin 1992-ci il fevral ayının arxiv materialları Xocalı hadisələri ərəfəsində və ondan sonra təkcə ölkədə durumun deyil, həm də həmin günlərdə siyasi atmosferin nə qədər ağır və mürəkkəb olduğunu təsəvvür etməyə imkan yaradır.

 

Azərbaycanda vəziyyətin pisləşməsi

 

Bakı/01.02.92/Turan;  Son sutkalar erməni hərbi hissələrinin Azərbaycanın sərhəddi boyunca irəliləməsi müşahidə olunub – Turan-a DİN-dən məlumat verilib. Tanıdıcı nişanı olmayan vertolyotlar Naxçıvanla sərhəddə kəşfiyyat uçuşları yerinə yetirirlər.

Həmçinin Rusiya ordusunun Ermənistan ərazisində yerləşən bölmələrinin irəliləməsi müşahidə olunur.

Ağdam rayonunda Dağlıq Qarabağla sərhəd kəndlərin atəşə tutulması davam edir. Belə ki, dünən axşam və bu gün səhər Abdal, Gülablı, Mazra, Papravənd kəndləri intensiv raket atəşinə tutulub. Tələfat və dağıntı var. Azərbaycan tərəfi cavab tədbirləri görür.--0--

 

Etibar Məmmədov MRİ-ni ittiham edir

 

Bakı/07.02.92/Turan; Azərbaycan xalq deputatı Etibar Məmmədov bildirib ki, Mərkəzi Kəşfiyyat İdarəsi (MKİ) Naxçıvan Respublikasının Azərbaycandan qoparılması üzrə fəaliyyət planı hazırlayıb.

Bəyanatdan öncə ABŞ rəsmi nümayəndələri Naxçıvanda olublar. Onlar Heydər Əliyevə bildiriblər  Naxçıvan müstəqil respublika elan edilərsə Amerika onu tanıyacaq.

E.Məmmədov qeyd edib ki, bunun ardınca da ABŞ Dağlıq Qarabağ Respublikasının müstəqilliyini tanıyacaq.--0--

 

Azərbaycanlı döyüşçülər Bakıya yürüşlə hədələnir

 

Bakı/12.02.92/Turan; Dağlıq Qarabağdan daxil olan məlumatlara görə, son iki gündə erməni tərəfi Azərbaycanın yaşayış məntəqələrinə genişmiqyaslı hücumlar edir.

Dünən kütləvi raket-artilleriya atəşindən sonra erməni ordusu Malıbəyli kəndini tutub və sonradan yandırıb. Aksiya nəticəsində yerli sakinlər arasında çoxsaylı qurban var. Beləliklə, erməni tərəfi Qarabağda azərbaycanlılara qarşı yandırılmış torpaq siyasətini yeritməkdə davam edir.

Bu gün erməni silahlı birləşmələrinin əhatəsində olan Xocalı şəhəri intensiv hücumlara məruz qalıb. Əldə olunan məlumatlara görə, şəhər sakinləri  əgər yaxın vaxtlarda hücumların qarşısı alınmasa ağ bayraqla şəhəri tərk etmək niyyətində olduqlarını bildiriblər. --0--

 

Ayaz Mütəllibov tənqid atəşinə tutuldu


Bakı/05.03.92/Turan; Müxalifət MDB silahlı qüvvələri vahid komandanlığı haqda müqaviləyə qoşulmadığına görə peşman olan prezident Ayaz Mütəllibovu kəskin tənqid edib.

“Mən fevralın 14-də Minskdə MDB ümumqoşun silahlı qüvvələrini vahid komandanlığa tabe edən sənədi imzalamadığıma görə özümü bağışlaya bilmirəm və ümid edirəm ki, yaxın vaxtlarda bunu edərəm”, - o, deputatların qarşısındakı çıxışında Xocalını niyə müdafiə etməməsilə bağlı tənqidə cavabında bildirib.

Milli İstiqlal Partiyasının sədri Etibar Məmmədov parlamenti Mütəllibovu “milli maraqlara xəyanət etdiyinə görə” prezidentlikdən azad etməyə çağırıb.

Dövlət quruculuğu komissiyasının rəhbəri Tofiq Qasımov Mütəllibovun MDB SQ vahid komandanlığı haqda sazişi imzalamaq cəhdini kapitulyasiya aktı adlandırıb. 0

Rəy yaz

Siyasət

Zorakılıq cəmiyyətdə nəyin göstəricisidir? – Mehriban Vəzir Çətin sualda



Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti