![Müflis bankların əmanətçiləri artıq 63 mln manatdan çox kompensasiya alıblar](https://turan.az/resized/./turan-750-500-resize.webp)
Müflis bankların əmanətçiləri artıq 63 mln manatdan çox kompensasiya alıblar
Bank of Azerbaijan”, “Gəncəbank” və “Texnikabank”ın qorunan əmanətlərə malik olan əmanətçiləri ümumilikdə 63,275 mln manat məbləğində kompensasiya alıblar.
Əmanətlərin Sığortalanması Fondunun (ADIF) məlumatına görə, yanvarın 29-dan etibarən “Bank of Azerbaijan”da qorunan əmanətləri olan şəxslərə kompensasiya ödənişinə başlanılıb. Bu prosesdə agent bank rolunda “Muğanbank” və “Rabitəbank” çıxış edir.
Təxminən 6,6 min əmanətçi ümumilikdə 24 mln 199 min manat məbləğində kompensasiya alıb.
Bundan əlavə, fevralın 4-dən “Gəncəbank”ın əmanətçilərinə 675 min manat məbləğində kompensasiya ödənilib. Fevralın 12-dən sənədləri qaydasında olan “Texnikabank” əmanətçiləri ümumilikdə 40,1 mln manat məbləğində kompensasiya alıblar. Bu prosesdə agent bank “Muganbank”, “Rabitəbank”, “Kapital Bank” və “Unibank”dır.
Xatırladaq ki, “Texnikabank” ASC-nin 20,34 min əmanətçisinin qorunan əmanətlərin ümumi məbləği 123 mln 166,426 min manat təşkil edir.
AMB-nin qərarı deyilən bankların məcmu kapitalın minimum məbləği tələbinə (50 mln manat) əməl etməməsi, kreditorları qarşısında öhdəliklərini icra edə bilməməsi, cari fəaliyyətini etibarlı və prudensial qaydada idarə etməməsi ilə bağlıdır.
ADIF «Əmanətlərin sığortalanması haqqında» qanun çərçivəsində 2006-cı il dekabrın 29-da yaradılıb. Fondun əsas məqsədi banklar iflasa uğradıqda bank yığımlarının əmanətçilərə qaytarılmasına zəmanət verməkdir.
Fevralın 1-dən sığortalanan əmanətlər üzrə 12%-lik üst hədd ləğv edilib, amma əmanətçilərin əmanətlərinin 30 min manata qədər olan hissəsi kompensasiya edilir. --17D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz