Fevralın 24-də baş nazir Artur Rasizadə Qazaxıstan Sərhəd Xidmətinin direktoru, polkovnik Darxan Dilmanovu qəbul edib.
Danışıqlar zamanı Xəzər dənizində sərhəd təhlükəsizliyi məsələlərində əlaqələrin möhkəmləndirilməsi, qeyri-leqal miqrasiyanın, qaçaqmalçılığın və digər qanunsuz fəaliyyətlərin qarşısının alınması üçün birgə əməliyyat-profilaktik tədbirlərin həyata keçirilməsinin vacibliyi müzakirə edilib.
Həmçinin Azərbaycanda Qazaxıstanın Sərhəd Xidməti üçün gözətçi gəmilərinin və qayıqların inşası, helikopterlərin və gəmilərin təmiri, Akademiya xətti ilə mütəxəssislərin hazırlanması məsələlərinə toxunulub.
Görüşdə Azərbaycan Dövlət Sərhəd Xidmətinin rəisi Elçin Quliyev də iştirak edib. Məlumatı Nazirlər Kabinetinin mətbuat xidməti yayıb.
Hərbi gəmilərin hansı müəssisədə inşasının nəzərdə tutulduğu açıqlanmır. Lakin çox güman ki, söhbət bu yaxınlarda açılmış Dövlət Sərhəd Xidmətinin Sahil Mühafizəsinin gəmiqayırma kompleksindən gedir.-02D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz