9 milyonluq xalqa 20 nazirlik?

İqtisadçı Qubad İbadoğlu ölkədəki mövcud iqtisadi situasiyadan irəli gələrək idarəetmədə mərhələli islahatlara start verilməsi təklifilə çıxış edib.

Neft gəlirlərinin azaldığı indiki mərhələdə dövlət aparatının saxlanmasının ciddi maliyyə tələb etdiyi nəzərə çatdırılır, indiki halda 12 nazirliyin saxlanması optilam sayılır. Q.İbadoğlu Azərbaycanda 20 nazirliyin olduğunu yazaraq, İtaliyada 14, Almaniya və Belçikada 11, İspaniyada 9 nazirlik olduğunu qeyd edir. ABŞ-da isə nazirlik səviyyəsində cəmi 11 federal hökumət qurumu fəaliyyət göstərdiyi xatırladılır. Ona görə də iqtisadçı Azərbaycanda 20 nazirliyin fəaliyyət göstərməsi faktının özünü idarəetmə xərclərinin optimallaşdırılması və struktur islahatlarının aparılması üçün göstərici adlandırır.

Q.İbadoğlu müdafiə; daxili işlər; milli təhlükəsizlik; ədliyyə; xarici işlər;, maliyyə; kənd təsərrüfatı və ərzaq; səhiyyə; təhsil və rifah; sənaye, elm və texnologiyalar; nəqliyyat və infrastruktur; vergi və rüsumların tənzimlənməsi; əmək nazirliklərinin saxlanmasını təklif edir.

Q.İbadoğlu yaxın vaxtlarda neftin qiymətində ucuzlaşma, manatın dəyərində isə bahalaşma gözlənilmədiyini deyərək, bunun ailə və biznesdə olduğu kimi hökümətdə də rasional xərcləmələr mövzusunu aktuallaşdırdığını söyləyib. O, büdcə xərclərinin optimallaşdırılmasını ixtisarlara və əmək haqqı gəlirlərinin azalmasına yol vermədən idarəetmədəki qurumların sayını zəruri həddə saxlamaqda gördüyünü bidlirir. 

Ölkənin Nazirlər Kabinetinin tərkibinə büdcədən maliyyələşən 20 nazirlik, 10 dövlət komitəsi, 2 dövlət administrasiyası, 4 dövlət xidməti və 1 dövlət fondu daxil olduğunu, kabinetin tərkibində müxtəlif adlarla yer alan mərkəzi icra strukturlarının sayının 37-yə çatdığını deyən iqtisadçı belə “şişkin idarəetmə aparatına” ehtiyac olmadığını vurğulayır. -05D-