ABŞ Gürcü Arzusu Partiyasına qarşı yeni sanksiyalar tətbiq edir
Bazar ertəsi ABŞ bildirib ki, demokratiyanın pozulması səbəbindən Gürcüstanın hazırkı rəhbərlərinə qarşı sanksiyalar tətbiq etməyə "hazırlaşır".
Ötən həftə Vaşinqton Gürcüstan hökuməti ilə əlaqəli olan və demokratiyanın pozulmasına görə məsuliyyət daşıyan şəxslər üçün 20 yeni viza məhdudiyyəti tətbiq edib.
"Biz bitirməmişik, bizim yeni sanksiyalarımız var və yaxın həftələrdə tətbiq etməyə hazırlaşırıq", - brifinq zamanı Dövlət Departamentinin mətbuat katibi Metyu Miller Turan-ın sualını cavablandırarkən deyib.
"Biz demokratiyanın pozulması ilə bağlı Gürcü Arzusu Partiyasının hərəkətlərindən çox narahatıq", - Miller deyib, lakin detalları açıqlamaqdan çəkinib.
Millerin şərhləri bazar ertəsi Avropa İttifaqı seçkilərin yenidən keçirilməsi tələbilə etirazların yatırılması səbəbindən gürcü diplomatlara və hökumət məmurlarına viza məhdudiyyətləri tətbiq etmək qərarına gəldikdən sonra səslənib.
Siyasət
-
Çərşənbə axşamı Ukraynanın Azərbaycandakı səfiri Yuri Husyev Azərbaycan prezidentinin köməkçisi Hikmət Hacıyevlə görüşüb. Bu barədə səfir X platformasındakı hesabında yazıb.
-
Dekabrın 17-də Azərbaycan Silahlı Qüvvələrinin Baş Qərargah rəisi Kərim Vəliyev Türkiyə Quru Qoşunlarının komandanı Tuncay Altuğun rəhbərlik etdiyi nümayəndə heyətini qəbul edib.
-
Çərşənbə axşamı Tatarıstan Respublikasının başçısı Rüstəm Minnixanov Bakıya gəlib. O, Azərbaycan prezidenti İlham Əliyev ilə görüşüb. Görüşdə Minnixanova Azərbaycanın "Dostluq" ordeni təqdim edilib.
-
Dekabrın 17-də Bakı Ağır Cinayətlər Məhkəməsində “Abzas Media işi” üzrə hazırlıq iclası başlayıb. Lakin jurnalistləri prosesə buraxmayıblar. Məhkəmədən Turan-ın sorğusuna cavab olaraq bildiriblər ki, zalda yer yoxdur və jurnalistlər Məhkəmə-Hüquq Şurasına şikayət edə bilər. Lakin müttəhimlərin bəzi qohumları da daxil olmaqla, bir qrup şəxsi zala buraxıblar.
Rəy yaz