Açiq mənbələrdən foto.
Bakı/19.04.23/Turan: Aprelin 18-də ABŞ-ın Azərbaycandakı müvəqqəti işlər vəkili Hüqo Gevara insan hüquqları üzrə vəkillərlə görüşüb.
ABŞ səfirliyinin məlumatında deyilir ki, görüş zamanı insan hüquqları sahəsində məsələlər müzakirə olunub.
“ABŞ dini etiqad azadlığı, tolerantlıq və fundamental azadlıqların müdafiəçilərini dəstəkləməkdən qürur duyur”, - məlumatda deyilir.
Görüşdə vəkillər Elçin və Zibeydə Sadıqovlar, Cavad Cavadov, Bəhruz Bayramov, Aqil Layıc, Şəhla Hümbətova iştirak ediblər.
“Cənab Gevara bildirdi ki, insan hüquqları ABŞ üçün prioritet məsələdir. ABŞ insan hüquqlarını müdafiə edənləri daim dəstəkləyir. Siyasi məhbuslar məsələsi də müzakirə mövzusu oldu”, - vəkil Elçin Sadıqov Turan agentliyinə bildirib.
Görüşdə ümumi mövqe belə oldu ki, ölkədə siyasi məhbus olmamalıdır, adamlar siyasi səbəblərlə həbs olunmamalıdır, məhkəmələr icra hakimiyyətinin sifarişi ilə vətəndaşların həbsinə qərar verməməlidir. Məhkəmələrin müstəqilliyi təmin edilməlidir”, - Elçin Sadıqov deyib.-03-
Siyasət
-
23 saylı Nəsimi-Səbail Seçki Dairəsinin 25 saylı məntəqəsində səsvermə bitdiyinə baxmayaraq 1 saatdan çoxdur seçki qutuları açılmadığı, səssayma aparılmadığı bildirilir.
-
Yanvarın 29-da Azərbaycanda bələdiyyə seçkiləri aşağı seçici fəallığı və ciddi mübahisələr fonunda keçirildi. Seçicilər saat 08:00-dan 19:00-a qədər səs verdilər. Mərkəzi Seçki Komissiyası (MSK) prosesin problemsiz keçdiyini bildirsə də, müstəqil müşahidəçilər və müxalifət nümayəndələri seçkilərin şəffaflığı və inklüzivliyi ilə bağlı narahatlıqlarını ifadə etdilər.
-
29 yanvar saat 17-yə olan rəsmi məlumata görə, Azərbaycanda bələdiyyə seçkilərində seçicilərin 28,77%-i səs verib. Bu barədə Mərkəzi Seçki Komissiyasının nümayəndəsi Fərid Orucov bildirib. Onun sözlərinə görə, bu, 1 715 291 nəfər deməkdir.
-
Moskva Ermənistan və Azərbaycan arasında sərhədin delimitasiyası və demarkasiyası məsələsində yaxşı irəliləyiş olduğunu qeyd edir, bu barədə çərşənbə günü RF-nin baş naziri Aleksey Overçuk jurnalistlərə bildirib.
Rəy yaz