Fevralın 16-da Bakıda ABŞ Birgə Qərargahlar rəisi, Hərbi Dəniz Qüvvələrinin generalı Cozef Danfordun rusiyalı həmkarı Valeri Gerasimov ilə görüşü olacaq. Bu barədə ABŞ hərbi idarəsindən Turan-ın Vaşinqton müxbirinə göndərilən məlumatda bildirilir.
Mənbənin məlumatına görə, görüşün mövzusu iki ölkə arasında hərbi əməkdaşlıq məsələsi olacaq.
Bundan əlavə, tərəflər iki ölkə arasında səhvlərə və potensial böhranlara yol verilməməsi məqsədilə daimi və dəqiq kommunikasiyaların əhəmiyyətini müzakirə edəcəklər.
Görüşün harada keçiriləcəyi və nə qədər davam edəcəyi açıqlanmır.
Pentaqondakı mənbə Rusiya və ABŞ Baş Qərargah rəislərinin görüşünün niyə məhz Bakıda keçirilməsinin səbəblərini Turan-ın müxbirinə açıqlamayıb.
Azərbaycan Müdafiə Nazirliyi və XİN-dən şərh almaq mümkün olmayıb.-0-
Siyasət
-
ABŞ Prezidentinin Beynəlxalq İqlim Siyasəti üzrə Baş Məsləhətçisi və ABŞ nümayəndə heyətinin rəhbəri Con Podesta çərşənbə günü Bakıda keçirilən COP29-un plenar iclasında ölkələri iqlim dəyişikliyi ilə mübarizə üçün maliyyə töhfələrini artırmağa çağırdı.
-
Azərbaycan Prezidenti İlham Əliyev, Qazaxıstan Prezidenti Kasım-Jomart Tokayev və Özbəkistan Prezidenti Şavkat Mirziyoyev çərşənbə günü üçtərəfli görüş keçirərək, hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında mühüm bir saziş imzaladılar.
-
Noyabrın 13-də prezident İlham Əliyev COP29 iqlim konfransında çıxışını Fransa və Hollandiyanın kolonial siyasətinin təhlilinə həsr edib.
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
Rəy yaz