“Abzas Media” jurnalistinin həbs müddəti uzadılıb
“Abzas Media” jurnalistinin həbs müddəti uzadılıb
Sentyabrın 6-da Bakının Xətai Rayon Məhkəməsi “Abzas Media işi” üzrə həbs edilmiş jurnalist Elnarə Qasımovanın həbs müddətinin uzadılması barədə istintaq orqanının təqdimatını təmin edib. Məhkəmənin qərarına əsasən, o, noyabrın 13-dək həbsdə qalacaq. Bu barədə Turan-a onun vəkili Günay İsmayılova bildirib.
Müdafiə tərəfi jurnalistin ilkin həbs müddətinin uzadılması barədə qərarı əsassız hesab edir və Apellyasiya Məhkəməsinə şikayət vermək niyyətindədir.
Jurnalist özü məhkəmədə bir daha bildirib ki, jurnalist fəaliyyətinə görə həbs olunub, o, irəli sürülən ittihamı rədd edib.
*Elnarə Qasımova yanvarın 15-də Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham üzrə həbs edilib. O 2023-cü ilin noyabrında – 2024-cü ilin yanvarında “Abzas Media işi” üzrə həbs olunmuş altı jurnalist və media işçisindən biridir. Sonradan bu iş üzrə iqtisadçı Fərid Mehralızadə də həbs edilib.
Əvvəlcə onlara qarşı Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham irəli sürülüb. Lakin avqustun 16-19-da jurnalistlərə qarşı daha ağır ittihamlar irəli sürülüb: Cinayət Məcəlləsinin 192.3.2 (külli miqdarda gəlir əldə etməklə qanunsuz sahibkarlıq), 193-1.3.1 və 193-1.3.2-ci (mütəşəkkil qrup tərəfindən cinayət yoluyla əldə edilmiş gəlirlərin leqallaşdırılması), 206.4 (mütəşəkkil qrup tərəfindən qaçaqmalçılıq), 320.1-ci və 320.2-ci (sənədlərin saxtalaşdırılması və saxta sənədlərdən istifadə), 213.2.1-ci (vergidən qrup şəklində yayınma) maddələri.
Bu ittihamlar 12 ilə qədər həbs cəzasını nəzərdə tutur. Jurnalistlər bütün ittihamları rədd edərək bildirirlər ki, hakimiyyətin yüksək eşelonlarında korrupsiya faktlarını araşdırdıqlarına görə təqib olunurlar.
-
- İqtisadiyyat
- 6 Sentyabr 2024 17:04
Siyasət
-
Cümə axşamı Xətai Rayon Məhkəməsi iqtisadçı Fərid Mehralızadənin həbs müddətini daha 3 ay uzadıb. Məhkəmənin qərarına əsasən, o, dekabrın 19-dək həbsdə qalacaq, vəkil Cavad Cavadov bildirib.
-
Avropa Şurası Parlament Assambleyası üzvlərinin Azərbaycana səfərinə qoyulan qadağa ölkənin nümayəndə heyətinin bu təşkilata qayıtmasından sonra ləğv ediləcək. Bu barəsə prezident İlham Əliyev Beynəlxalq Çernobbio Forumunda moderatorun suallarını cavablandırarkən bildirib.
-
Prezident İlham Əliyev Rusiya ilə Ukrayna arasında münaqişənin həllində Azərbaycanın da iştirakının mümkünlüyünü istisna etməyib. Bu barədə o, Beynəlxalq Çernobbio Forumunda moderatorun suallarını cavablandırarkən bildirib.
-
İranın xarici işlər naziri Abbas Arakçı ölkənin bölgədə sərhədlərin dəyişməsi ilə qəti şəkildə razılaşmadığını bildirib, İran KİV məlumat yayıb. "Regional sülh, təhlükəsizlik və sabitlik, sadəcə, bir üstünlük deyil, bizim milli təhlükəsizliyimizin təməlidir", - Arakşı X hesabında yazıb.
İran Zəngəzur dəhlizinə görə Rusiyaya qarşı çıxır? – Elxan Şahinoğlu Çətin sualda
Xəbər lenti
-
- Cəmiyyət,
- 14:50
- 344
Rəy yaz