Abzas Media-nın jurnalisti Elnarə Qasımova 2,5 ay müddətinə həbs olunub (yenilənib)
Abzas Media-nın jurnalisti Elnarə Qasımova 2,5 ay müddətinə həbs olunub (yenilənib)
Xətai Rayon Məhkəməsi Abzas Media-nın jurnalisti Elnarə Qasımova barəsində 2 ay 17 gün müddətinə həbs qətimkan tədbiri seçib.
Bu barədə vəkil Bəhruz Bayramov bildirib.
O, məhkəməyə əlləri arxadan qandallanaraq gətirilən qızın qeyri-insani rəftara məruz qaldığını bildirib. Məhkəmə binasında onun əli artıq öndən qandallanıb. Vəkilin etirazından sonra hakim qandalın açılması təmin olunub.
Bununla belə, məhkəmə vəsatəti təmin etməyib və jurnalisti 2 ay 17 gün müddətinə həbs edib.
O, bu iş üzrə həbs edilmiş digər beş jurnalist və mətbuat işçisi ilə eyni maddə - CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə məsuliyyətə cəlb olunub.
Qasımova ittihamları təkzib edib. O, həbsinin Abzas Media-dan olan həmkarlarının həbsindən sonra jurnalist fəaliyyətinə davam etməsi, bu nəşr üçün çəkiliş etməsi ilə bağlı olduğunu bildirib.
Qasımova yanvarın 13-də CM-in 206.3.2-ci maddəsi üzrə şübhəli şəxs qismində cəlb olunub. O, Abzas Media-nın işi üzrə cəlb olunan altıncı jurnalist və mətbuat işçisi olub.
* * *
Abzas Media-nın jurnalisti Elnarə Qasımova məhkəməyə aparılıb
Abzas Media-nın jurnalisti Elnarə Qasımova saat 15:00-da Xətai Rayon Məhkəməsinə aparılıb.
Qasımovanın əlləri arxadan qandallanıb ki, o, məhkəmənin qarşısında toplaşan həmkarlarını salamlaya bilməsin. Məhkəmə binasında iclas başlamazdan əvvəl jurnalistin ayaqyoluna getməyinə icazə verməyiblər. Bu gün məhkəmə istintaqın jurnalistin ilkin həbsi haqqında vəsatətinə baxır.
Qasımova yanvarın 13-də CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə şübhəli şəxs qismində saxlanılıb. O, Abzas Media-nın işi üzrə cəlb edilən altıncı jurnalist və mətbuat işçisi oldu.
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 356
Rəy yaz