Mebel sexində partlayış və yanğın baş verib, xəsarət alanlar var
Bakının Binəqədi rayonunda yanğın baş verən mebel sexinin yerində dağıntıların təmizlənməsi zamanı daha üç nəfərin cəsədi aşkar edilib. Bu barədə Turan-a bazar ertəsi axşam saatlarında Baş Prokurorluqdan bildiriblər.
* * *
Mebel sexindəki yanğında 3 nəfər ölüb, 24 nəfər yaralanıb
Yanvarın 15-də Bakının Binəqədi rayonunda yerləşən mebel sexində baş verən yanğın-partlayış nəticəsində üç nəfər ölüb, bu barədə günorta saatlarında Baş Prokurorluq məlumat yayıb. Faktla bağlı cinayət işi açılıb.
Yanğıdan 24 nəfər xəsarət alıb, bu barədə Turan-a TƏBİB-dən bildiriblər.
Xəsarət alanlardan birinə yerindəcə tibbi yardım göstərilib, 23 nəfər isə tibb müəssisələrinə yerləşdirilib. Onlardan 10-u müxtəlif xəsarətlər, yanğın və sınıqlarla Şəhər Kliniki Mərkəzinə yerləşdirilib.
Daha 14 nəfər müxtəlif dərəcəli yanğın xəsarətləri ilə Nərimanov Tibb Mərkəzinin Yanıq Mərkəzinə daxil olub.
Öz növbəsində, FHN-dən yanğının lokallaşdırıldığı və tamamilə söndürülməsi üzrə tədbirlər görüldüyü bildirilib. Yanğının söndürülməsi zamanı üç nəfər xilas olunub.
* * *
Mebel sexində partlayış və yanğın baş verib, xəsarət alanlar var
Yanvarın 15-də günorta saatlarında Bakıda Binəqədi rayonu, Süleyman Sani Axundov küçəsində yerləşən mebel sexində yanğınla müşaiət olunan partlayış baş verib. Hadisə yerinə FHN-in müvafiq xidmətləri cəlb olunub.
Yanğınla əlaqədar həmçinin polis əməkdaşları əraziyə cəlb olunub, təhlükəsizlik tədbirləri görülür, bu barədə DİN-in məlumatında deyilir.
Öz növbəsində, TƏBİB hadisə yerinə 15 təcili yardım briqadası göndərildiyini bildirib.
Qeyri-rəsmi məlumatlara görə, çox sayda xəsarət alan var.
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz