Ağstafa icra başçısının korrupsiyaya görə həbs olunması geniş ictimai reaksiya doğurub
Bakı/20.12.19/Turan: Ağstafa Rayon İcra Hakimiyyətinin başçısının, onun müavininin və Yevlax Rayon İcra hakimiyyətinin keçmiş başçısının həbsi geniş ictimai müzakirələrə yol açıb. Buna səbəb təkcə icra başçısının həbsi deyil, uzun illərdir ki, korrupsiyanın ölkənin ən ağır problemlərdən biri olaraq qalmasıdır.
İqtisadçı Rövşən Ağayev hesab edir ki, Azərbaycanda indiyədək məmurlar gəlirləri haqda bəyannaməni doldurmurlar, halbuki, bu qanunvericilikdə nəzərdə tutulur. Şəffaflıq yoxdur, məmurların gəlirlərinə və xərclərinə nəzarət edən mexanizm yoxdur.
Demokratik Qüvvələrin Milli Şurasının rəhbəri Cəmil Həsənli Facebook səhifəsində yazıb ki, Dövlət Təhlükəsizliyi Xidmətinin məlumatında deyilir ki, üç məmur təkrar rüşvətxorluğa görə həbs olunub. Yayılan videodan bəlli olur ki, rayonun bütün dövlət strukturlarında rüşvət olub. Ölkənin bütün rayonlarında və paytaxtda da vəziyyət eynidir.
Bu yaxınlarda başçısı Nizaməddin Quliyevi “Şöhrət” ordeni ilə təltif edib.
“Balıq başdan iylənir” və həbs olunan məmurlar rüşvət və korrupsiya maşınının xırda vintçikləridir, C.Həsənli qeyd edib.
Yeni Azərbaycan Partryasının icra katibinin müavini Siyavuş Novruzov bildirib ki, korrupsiyaya görə ifşa edilən şəxs məsuliyyətə cəlb ediləcək.
Belə ki, dekabrın 19-da Sabirabad rayonunda hakim partiyanın yerli şöbəsinin sədri Məleykə Ağayevanın oğlu narkotik maddə saxladığına görə həbs edilib.
İctimai fəal Bəxtiyar Hacıyev hesab edir ki, vəzifəli şəxslərin rüşvət və korrupsiya faktları ilə bağlı araşdırlmalar davam etdirilməlidir, çünki bütün rayonlarda icra başçıları korrupsiyaya bulaşıb. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz