Баку/20.12.19/Turan: Dekabrın 20-də prezident İlham Əliyev MDB dövlət başçılarının qeyri-rəsmi görüşündə iştirak etmək üçün Sankt-Peterburqa gedib.
Ölkə prezidentinin saytında bildirilir ki, səfər Rusiya prezidenti Vladimir Putinin dəvəti ilə keçirilir. Sammitin proqramı açıqlanmır.
Öz növbəsində Rusiya mətbuatı bildirib ki, cümə günü Sankt-Peterburqda Avrasiya İqtisadi Birliyinin (AİB) qeyri-rəsmi sammiti keçiriləcək. Rusiya prezidenti görüşə təkcə AİB üzvü olan ölkələrin rəhbərlərini deyil, həm də iqtisadi birliyə daxil olmayan MDB dövlətlərinin başçılarını dəvət edib.
Rusiyanın dövlət başçısı “cari məsələlər barədə danışmaq, gələn il görüləcək işlərə dair fikir mübadiləsi aparmaq və aktual beynəlxalq məsələləri müzakirə etmək” niyyətindədir.
Vladimir Putin qeyd edib ki, sammitin protokol iclasları ilə həddən artıq yüklənməsini istəmir.
Eyni zamanda Ermənistan mətbuatı bildirir ki, Sankt-Peterburqda İlham Əliyevlə Nikol Paşinyanın qeyri-rəsmi görüşü ola bilər.-02D-
Siyasət
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
-
Həbsdə olan bloger Rəşad Ramazanov 15 saylı cəzaçəkmə müəssisəsində saxlanma şəraitinin ağır olmasından danışıb. Bu barədə Turan agentliyinə koloniyadan zəng edərək özü məlumat verib.
-
ABŞ Helsinki Komissiyasının həmsədri, konqresmen Co Uilson Tehran rejiminin nümayəndələrinin Azərbaycan və Türkiyəyə qarşı təhdidlərini pisləyib.
-
Beynəlxalq Avtomobil Federasiyasının (FIA) Formula 1 üzrə Azərbaycan Qran-prisi sentyabrın 19-21-də reallaşacaq. Bu, mövsümün 17-ci Qran-prisi olacaq.
Rəy yaz