![AİHM azərbaycanlı qaçqınların Ermənistana qarşı şikayətini təmin edib](https://turan.az/resized/media/2015/main/061700119779-750-500-resize.webp)
AİHM azərbaycanlı qaçqınların Ermənistana qarşı şikayətini təmin edib
Avropa İnsan Hüquqları Məhkəməsinin (AİHM) Böyük Palatası “Çıraqov və digərləri Ermənistana qarşı” işi üzrə qərarı açıqlayıb. Bu, Laçın rayonundan olan azərbaycanlı qaçqınların onların torpaqlarını işğal etmiş Ermənistana qarşı şikayətidir.
AİHM ərizəçilərin Avropa İnsan Hüquqları Konvensiyasının 1 saylı protokolunun 1-ci maddəsi (mülkiyyətin qorunması), 8-ci maddə (özəl və ailə həyatına hörmət hüququ), 13-cü maddə (effektiv hüquqi müdafiə vasitəsi hüququ) üzrə hüquqlarının pozulmasını tanıyıb.
Ərizəçilər Azərbaycan vətəndaşları etnik kürdlər – Elxan Çıraqov, Adışirin Çıraqov, Ramiz Cəbrayılov, Akif Həsənov, Fəxrəddin Paşayev və Qaraca Cəbrayılov (2005-ci ildə ölüb) Qarabağ münaqişəsi nəticəsində Laçın rayonundan qovulub.
AİHM təsdiqləyib ki, Ermənistan Dağlıq Qarabağ və ona bitişik ərazilərə nəzarət edir.
Məhkəmənin qərarında qeyd olunur ki, 1991-ci ilin dekabrında Sovet İttifaqının süqutundan sonra Dağlıq Qarabağ Muxtar Vilayəti Azərbaycan SSR-nin tərkibində muxtar vilayət olub.
Laçın rayonu əhalinin əksəriyyətini kürdlər və azərbaycanlılar təşkil edib, yalnız 6% ermənilər olub.
Həmçinin qeyd olunur ki, qondarma “DQR” heç bir dövlət və ya beynəlxalq təşkilat tərəfindən tanınmayıb.
1992-ci ildə Laçın rayonunun işğalından sonra sakinlər qaçmağa məcbur olublar və indiyədək geri qayıda bilmirlər. İşğal zamanı ərizəçilər öz mülkiyyətindən məhrum ediliblər.
Strasburq Məhkəməsi iddiaçılara kompensasiya verilməsindən və əmlakın qaytarılmasından imtina edilməsi barədə qərarı düzgün hesab etmir. Eyni zamanda məhkəmə kompensasiyanın ödənilməsinə baxılmasını təxirə salıb.
Ərizəçilərə və oxşar vəziyyətdə olan digər şəxslərə sadə və əlverişli kompensasiya ödənişi mexanizminin yaradılmasının vacibliyi qeyd olunub.
Böyük Palatanın qərarı yekun sayılır (Konvensiyanın 44-cü maddəsi).
“Mən məhkəmənin qərarından razıyam. Biz işi qazandıq. Bu, təkcə ərizəçilərin deyil, həm də bütün Azərbaycan xalqının qələbəsidir”, - ərizəçilərdən biri Fəxrəddin Paşayev Turan-a bildirib və əlavə edib ki, AİHM-in qərarında Azərbaycanın işğal olunmuş ərazilərinə və ölkə vətəndaşlarına dəyən maddi zərərə görə Ermənistanın məsuliyyəti tanınıb.
Şikayət 2005-ci ildə verilib. 2011-ci il dekabrın 14-də məhkəmə şikayəti məqbul sayaraq Ermənistan tərəfinin etirazını qəbul etməyib.—06D--
-
- Mədəniyyət
- 17 İyun 2015 12:48
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz