Qafqaz Müsəlmanları İdarəsinin (QMİ) rəhbəri şeyxülislam Allahşükür Paşazadə bildirib ki, onun Ermənistanın katalikosu II Qareginlə görüşü yalnız Azərbaycan-Ermənistan sərhədində ola bilər. Bu haqda Turan-a açıqlama verən QMİ sədri bildirib ki, görüşün təmas xəttində və ya Qarabağ bölgəsində ola bilməsi ilə bağlı erməni tərəfinin yaydığı xəbərlər uydurmadır.
Onun sözlərinə görə, belə bir görüşün keçirilməsi barədə təklif Ermənistan kilsəsinin Gürcüstan nümayəndəliyi tərəfindən irəli sürülüb. A.Paşazadə prinsip etibarilə görüşün keçirilməsinin əleyhinə olmadığını deyib. Lakin şeyxülislam bu görüşün yalnız Azərbaycan-Ermənistan sərhəd məntəqələrinin birində ola bilməsinin mümkünlüyünü bir daha xüsusi olaraq vurğulayıb. -05B-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz