Almaniyalı deputat Avropa Parlamentində Qarabağın müstəqilliyi mövzusunu qaldırmaq istəyir

Bakı/08.19/Turan: Avropa Parlamentinin deputatı Martin Zoneborn cümə axşamı Dağlıq Qarabağda keçirilən mətbuat konfransında bildirib ki, Qarabağa 25 nəfərlik böyük nümayəndə heyəti, o cümlədən Almaniyalı jurnalist, yazıçı, professorlarla birlikdə gəlib.

Onun sözlərinə görə, nümayəndə heyətinin tərkibində həyat yoldaşı Klaudia Tur-Sarkisyan da var, o, Qarabağ haqqında film çəkir. Filmin məqsədi dünyaya bu regionun müstəqil dövlət olmaq hüququ olduğunu göstərməkdir.

"Brüsselə qayıtdıqdan sonra növbəti qanunvericilik dövründə bu məsələni qaldırmağa çalışacağıq. Qarabağın öz müqəddəratını həll etmək hüququnu dəstəkləmək üçün buradayıq", deyə Ermənistan KİV-ləri Almaniyalı deputatdan sitat gətirir.

Zonneborn Azərbaycan XİN-in qara siyahısına düşməkdən çəkinmədiyinə eyham edib və növbəti dəfə 100 nəfərlik nümayəndə heyəti gətirməyi vəd edib. -02D-