Bakı/28.02.20/Turan: Fevralın 27-də Suriyanın İdlib əyalətində bombardman və türk hərbiçilərinə atəş açılması nəticəsində 33 hərbiçi həlak olub, 33 nəfər isə yaralanıb. Erdoğan hərbiçilərin iştirakı ilə təcili müşavirə keçirib.
XİN başçısı Mevlüt Çavuşoğlu NATO baş katibi Yens Stoltenberqə Türkiyəni dəstəkləmək çağırışı ilə müraciət edib, xəbəri Anadolu agentliyi yayıb.
Türkiyə tərəfi hesab edir ki, bombardmanı Suriyanın hökumət qoşunlarını dəstəkləyən Rusiya aviasiyası həyata keçirib.
Reuters agentliyinin Türkiyə təhlükəsizlik qüvvələrinin iki nümayəndəsinə istinadla yaydığı məlumata görə, Türkiyə SQ aviahücuma Suriya ordusunun mövqelərinə artilleriya zərbələri endirməklə cavab verir.
Öz növbəsində, Moskva aviasiyasının hücumda iştirakını inkar edir və Ankaranı hərbiçilərinin terrorçular arasında olmasında ittiham edir.
Türkiyənin müdafiə naziri Hulusi Akar Suriya ilə sərhəddə yerləşən Hatay şəhərindəki komandanlıq qərargahına gəlib. Türkiyə hərbi idarəsinin rəhbərini Hərbi Hava və Quru Qoşunlarının komandanları müşaiyət edir. Anadolu-nun məlumatına görə, Türkiyənin hərbi rəhbərliyi İdlibdə Suriya ordusunun mövqelərinə qarşı hücum hazırlayır.
ABŞ-ın NATO-da daimi nümayəndəsi Key Beyli Hatçison öz növbəsində Erdoğanın kimin Ankaranın etibarlı tərəfdaşı olduğunu anlayacağına ümid etdiyini bildirib. "Ümid edirəm ki, prezident Erdoğan bizim Türkiyənin müttəfiqi olduğumuzu görəcək. Türkiyə hakimiyyəti Rusiyanın nə olduğunu və rusların necə davrandığını görür", deyə ABŞ-ın daimi nümayəndəsi əlavə edib. -02D-
Siyasət
-
Abzas Media-nın işi üzrə həbs edilmiş araşdırmaçı jurnalist Hafiz Babalı bir müddət əvvəl damarların varikoz genişlənməsi ilə bağlı tibbi yardım göstərilməməsindən ombudsman aparatına şikayət vermişdi. Onun aldığı cavabda deyilir ki, Ədliyyə Nazirliyinin Tibb İdarəsi ombudsmanın bununla bağlı sualına cavab verib.
-
Narkotik haqqında iş üzrə üç il müddətinə azadlıqdan məhrum edilmiş Azərbaycan Xalq Cəbhəsi Partiyasının (AXCP) fəalı Elnur Həsənov dekabrın 3-dən aclığa başlayıb.
-
Dekabrın 4-də Bakı Apellyasiya Məhkəməsi "Toplum TV"nin təsisçisi Ələsgər Məmmədlinin ev dustaqlığına buraxılmasından imtina ilə bağlı müdafiə tərəfin verdiyi apellyasiya şikayətini təmin etməyib. Bu barədə Ələsgər Məmmədlinin qardaşı Nəsimi Məmmədli bildirib.
-
"İnsan hüquqları fəalı Rüfət Səfərovun saxlanılması ilə bağlı xəbərləri dərin narahatlıqla izləyirəm. İfadə azadlığı demokratik cəmiyyətin əsas dayaqlarından, onun inkişafı və hər bir fərdin özünü reallaşdırmasının əsas şərtlərindən birini təşkil edir". Bu barədə Böyük Britaniyanın Azərbaycandakı səfiri Ferqus Old dekabrın 4-də X platformasındakı hesabında yazıb.
Rəy yaz