Apellyasiya Məhkəməsi jurnalist Elnarə Qasımovanı həbsdə saxlayıb
Bu gün Bakı Apellyasiya Məhkəməsi "Abzas Media-nın işi" üzrə qaçaqmalçılıqda ittiham olunan jurnalist Elnarə Qasımovanın ev dustaqlığına buraxılmasından imtina ilə bağlı şikayəti təmin etməyib.
Bu barədə Turan-a jurnalistin əri Nicat Əmiraslanov bildirib.
Onun sözlərinə görə, Qasımova özü də prosesdə iştirak edib.
"Elnarə bir daha dedi ki, ittiham saxtalaşdırılıb və onun həbsinin əsl səbəbi həmkarları ilə birlikdə apardığı korrupsiya araşdırmaları olub", deyə Əmiraslanova bildirib.
Qasımova yanvarın 15-də CM-in 206.3.2-ci maddəsində (əvvəlcədən əlbir olan bir qrup şəxs tərəfindən qaçaqmalçılıq) nəzərdə tutulan əməlləri törətmək ittihamı ilə həbs olunub.
Ötən ilin noyabrından etibarən bu iş üzrə daha 5 jurnalist və mətbuat işçisi həbs olunub.
Siyasət
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
Rəy yaz