Bakı/30.08.19/Turan: "Mən Azərbaycanda jurnalist Seymur Həzinin 5 illik həbs cəzasını çəkəndən sonra azadlığa çıxmasından məmnunam. Ölkədə həbsdə olan bütün digər jurnalistlərin və blogerlərin sərbəst buraxılmasına çağırıram". Bu sözləri ATƏT-in media azadlığı üzrə nümayəndəsi Harlem Dezir Tvitter-dəki mikrobloqunda yazıb.
Qeyd edək ki, avqustun 29-da jurnalist Seymur Həzi 5 illik həbsdən sonra azadlığa buraxılıb. "Azadlıq" qəzetinin şöbə müdiri, "Azərbaycan saatı" televiziya proqramının aparıcısı və redaktoru olmuş Seymur Həzi Cinayət Məcəlləsinin xuliqanlıqda ittiham olunaraq, 5 il müddətinə azadlıqdan məhrum edilib. O, ittihamları təkzib edib və ona qarşı təxribat törədildiyini bildirib, həbsini peşə fəaliyyəti ilə əlaqələndirib.
Beynəlxalq hüquq müdafiə təşkilatı onu "vicdan məhbusu" kimi tanıyıb.
Avropa İnsan Hüquqları Məhkəməsi ötən il Seymur Həzinin həbsinin qanunsuz olduğunu etiraf edib və jurnalistə mənəvi zərərə görə 13 min avro, digər xərclərə görə isə 1500 avro ödənilməsi barədə qərar çıxarıb. -0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz