![AŞPA Rusiyanı bir il müddətinə səs hüququndan məhrum edib](https://turan.az/resized/media/2014/main/041000075088-750-500-resize.webp)
AŞPA Rusiyanı bir il müddətinə səs hüququndan məhrum edib
Aprelin 10-da AŞPA-nın iclasında Krımın “ilhaqına” görə Rusiya nümayəndə heyətinin səs hüququndan məhrum edilməsi məsələsinə baxılıb.
AŞPA sanksiyalar 2014-cü ilin sonuna qədər RF nümayəndə heyətinin Assambleyada səs hüququndan məhrum edilməsini və bütün rəhbər orqanlardan çıxarılmasını nəzərdə tutur.
Bundan başqa, RF Krımdan əl çəkməsə, RF-nin AŞPA-daki nümayəndə heyətinin səlahiyyətləri ləğv edilə bilər. 145 deputat bu qətnamənin (N13-483) lehinə, 21 nəfər əleyhinə səs verib, 22 nəfər bitərəf qalıb. İclas Rusiya nümayəndə heyətinin iştirakı olmadan keçirilib.
Üç saatlıq müzakirələr zamanı Avropa ölkələrinin deputatları demək olar ki, yekdilliklə RF-yə qarşı sərt tədbirlər görülməsinin lehinə çıxış edib.
Qətnamədə RF-nin əməlləri “Krımın ilhaqı” və Ukrayna ərazisinin “silahlı işğalı” adlandırılıb. Moskva hərbi qüvvədən istifadə ilə hədələməkdə və “qanunsuz keçirilmiş “referendumun” nəticələrini qəbul etməkdə” ittiham olunur.
Assambleyada RF-nin əməlləri beynəlxalq hüququn, o cümlədən BMT Nizamnaməsinin və ATƏT-in Helsinki Yekun Aktının pozuntusu adlandırılıb. “Rusiyanın hərbi əməliyyatlara başlaması RF, ABŞ, Böyük Britaniya və Ukraynanın 1994-cü ildə imzaladığı müqaviləni pozub, bu, digər beynəlxalq sənədlərə, xüsusən tərk-silah və nüvə silahının yayılmaması haqqında sazişlərə etibarı sarsıdır”, deyə qətnamədə bildirilib.
AŞPA bildirir ki, Rusiya Avropada sabirliyi və sülhü şübhə altına qoyub, belə ki, “Krımın ilhaqı və ondan əvvəlki əməllər presedent yaradıb, hazırda Ukraynanın digər regionları həmin presedentə riayət edir”. Onlar arasında Donesk, Xarkov və Luqanskın adları çəkilib.
Assambleya AŞPA Bürosuna “2013-cü il avqust münaqişəsi ilə bağlı hadisələri tədqiq edəcək və araşdıracaq, görülmüş işlər barədə 2015-ci ilin yanvarında Assambleyanın iclasında məruzə edəcək komissiya yaradılması məsələsinə baxmağı təklif edib.
Bundan başqa, Assambleyanın qətnaməsi Rusiyanı seçim qarşısında qoyur – ya Rusiya Krımdan imtina edir, ya da RF-nin AŞPA-dakı səlahiyyətləri ümumiyyətlə ləğv edilə bilər.
Buna cavabda RF nümayəndə heyəti bildirib ki, Assambleyanın sessiyasını vaxtından əvvəl tərk edir.
Latviya nümayəndəsi Lolita Çiqan AŞ-nin sanksiyasına məruz qalmış Rusiya deputatının “Avropada səyahət etməsini” anlamadığını bildirib.
Xatırladaq ki, RF-nin Assambleyadakı nümayəndə heyəti rəhbərinin müavini Leonid Slutski Aİ-nin sanksiyasına məruz qalıb.
Alman parlamentari Rusiya deputatlarının Mixail Qorboçovun ünvanına ittihamlarını SSRİ-ni bərpa etmək cəhdi adlandırıb. Almaniyanın AŞPA-dakı nümayəndə heyətinin üzvü Mariya Luiza Bek bildirib ki, bu, ciddi narahatlıq doğurur.
“Belə bir təəssürat yaranır ki, Sovet İttifaqını bərpa etmək cəhdi var”, deyən deputat bunun digər ölkələrin suverenliyinin tanınmaması və hazırki sərhədlərin dəyişdirilməsi demək olduğunu əlavə edib.
Polşa parlamentinin nümayəndəsi qeyd edib ki, Rusiya prezidenti Vladimir Putin Krımdakı əməllərinə görə BMT beynəlxalq məhkəməsi qarşısına çıxmalıdır. O, hazırki siyasəti imperializm siyasəti adlandırıb, Avropanın buna ən sərt sanksiyalarla reaksiya verməli olduğunu bildirib.
Moldovalı parlamentari bütünlüklə Ukraynanın ərazi bütövlüyünü dəstəkləyib və Rusiyanın əməllərini, həmçinin Krımdakı referendumu qeyri-legitim adlandırıb. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz