Astanada Azərbaycanla bağlı qərar sabah veriləcək
Oktyabrın 25-də Astanada “Mədən sənayesində şəffaflıq təşəbbüsü” (MSŞT) üzrə beynəlxalq rəhbər komitənin 35-ci iclası işinə başlayıb. Bu barədə Astanada keçirilən toplantıda iştirak edən “Mədən Sənayesində Şəffaflığın Artırılması” QHT Koalisiyasının rəhbəri Qubad İbadoğlu facebook səhifəsində yazıb.
Toplantıda “Mədən Sənayesində Şəffaflığın Artırılması üzrə Beynəlxalq Təşəbbüs”ün İdarə Heyəti Azərbaycanın islahedici tədbirlər planını yerinə yetirməsi ilə bağlı qiymətləndirmə aparacaq və ölkənin üzvlük statusu məsələsinə baxacaq. Bir il öncə “Beynəlxalq Təşəbbüs” Azərbaycanın üzvlük statusunu namizədlik statusuna endirib və islahedici tədbirlər planı təqdim edib. İslahedici tədbirlər planı əsasən koalisiyaya daxil olan QHT-lərlə bağlıdır.
Belə ki, koalisiyaya daxil olan QHT-lərin bəzilərinin bank hesablarına həbs qoyulmuşdu, bir çoxları aldıqları qrantları icra edə bilmirdi, bir qism QHT rəhbərləri hava limanında xüsusi yoxlanırdı, bəzi QHT rəhbərlərinin xaricə çıxşına qadağa qoyulmuşdu, bəzi QHT-lər istintaqa cəlb edimişdi, rəhbərləri həbs edilmişdi və sairə. İslahedici tədbirlər planı bütün bu və digər problemlərin həlli ilə bağlı Azərbaycan hökumətinin üzərinə öhdəlik qoyur. Koalisiyaya daxil olan bir qism QHT-lər hökumətin islahedici tədbirlər planının əksər hissəsini yerinə yetirdiyini desə də, digər qismi tədbirlər planının tam yerinə yetirilmədiyini iddia edir.
Qubad İbadoğlunun sözlərinə görə, Astana toplantısında Azərbaycanla bağlı müzakirələrin olduğunu nəzərə alaraq, Neft Fondunun icraçı direktoru, “Mədən Sənayesində Şəffaflıq Təşəbbüsü” (MSŞT) üzrə komissiyanın sədri Şahmar Mövsümovun başçılığı ilə hökümət nümayəndə heyəti də iclasa qatılıb. Hazırkı müzakirə Azərbaycanın MSŞT-dəki öhdəliklərinin qiymətləndirilməsinə həsr olunub. Bu istiqamətdə müzakirələr bu gün başlasa da, müvafiq qərar sabah veriləcək”, deyə o qeyd edib. -03B-
-
- Söz istəyirəm
- 25 Oktyabr 2016 17:59
-
- Cəmiyyət
- 25 Oktyabr 2016 18:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz