“Biz mediada yazılanları diqqətlə izləyirik. Hesab edirik ki, hər kəs öz fikrini ifadə etməkdə azaddır”. Bu barədə Turan-a ATƏT-in Bakı ofisinin Açıq Cəmiyyət Partiyasının sədri Rəsul Quliyevin qurumun rəhbəri Koray Tarqayla bağlı tənqidi barədə sualının cavabında bildirilib.
ATƏT-in Bakı ofisi Rəsul Quliyevin Koray Tarqayla bağlı ittihamlarına cavab verməyib.
ATƏT-in Bakı ofisinin rəhbəri Koray Tarqay “Azadlıq” radiosuna müsahibəsində deyib ki, Azərbaycanda bütün sahələrdə irəliləyiş var: “İnsan haqları sahəsində - 20 il öncə ilə müqayisə etsəniz, irəliləmə görərsiniz. Hüququn üstünlüyü, demokratikləşmə sahəsində irəliləmələr var. İqtisadi və ətraf mühit sahələrində daha çox irəliləyiş əldə olunub. Bütün sahələrdə aldığımız nəticələrdən razıyıq. Azərbaycanı insan hüquqları, demokratikləşmə məsələsində ən aşağı yerlərdə göstərmək məncə, haqsızlıqdır”. Koray Tarqay polisin vətəndaşlarla, konkret olaraq mitinqə çıxanlarla davranışından da razılığını ifadə edib və hökumətin antikorrupsiya siyasətini siyasi iradə kimi dəyərləndirib.
Açıq Cəmiyyət Partiyasının lideri Rəsul Quliyev isə “Bizim Yol” qəzetinə bildirib ki, Milli Məclis deputatları belə beynəlxalq təşkilatların korrupsiya və rüşvət üçün müəyyənləşdirdiyi yerin düzgün olmadığını deməyə utanırlar, deyirlər “bu, hər yerdə var mübarizə aparılır”.
“Ancaq ATƏT kimi təşkilatın səfiri qeyd edir ki, bu mübarizə xeyli irəliləyib. Halbuki, onun təmsil təmsil etdiyi ATƏT, Avropa Şurası və parlamenti Azərbaycanda insan haqlarının tapdalandığına daim etiraz edir. Azərbaycan hökumətinin bəzi deputatları kürü ilə ələ almaqdan narahatlığını bildirirlər, xəbərləri yoxdur ki, kürü siyasətini dəstəkləyən Bakının mərkəzində oturub”.
R. Quliyev hesab edir ki, müxalifət və hüquq müdafiəçiləri səfirin müsahibəsi ilə əlaqədar təcili etiraz bəyanatı hazırlayıb ATƏT-ə göndərməlidir: “Nə qədər gec deyil, bu adamı geri çağırmalıdırlar. Zindanlarda olan siyasi və mülkiyyəti zorla alınmışlar Avropa Məhkəməsinə müraciət ünvanlamalıdır. Konkret olaraq, məsul şəxsin Azərbaycandan dezinformasiya yaymaqla məşğul olduğundan şikayət etməlidirlər”.-03B-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz