ATƏT-in Minsk Qrupunun həmsədrləri Azərbaycan və Ermənistan XİN rəhbərləri ilə görüşüblər

ATƏT-in Minsk Qrupunun həmsədrləri Azərbaycan və Ermənistan XİN rəhbərlərinin görüşünün yekunları ilə bağlı məlumat yayıblar. 

Sənəddə qeyd olunur ki, iyun-iyul aylarında həmsədrlər Qarabağ münaqişəsinin dinc nizamlanmasına dair ideya mübadilələri  üzrə bir sıra görüşlər keçiriblər.

İyulun 6-da Londonda Azərbaycan XİN rəhbəri Elmar Məmmədyarov, iyunun 28-də isə Parisdə Ermənistan XİN rəhbəri Edvard Nalbandyanla görüş olub.  

Həmsədrlər və nazirlər dinc nizamlanmaya dair əvvəlki diskussiyaları davam etdiriblər, əsas diqqət tərəflər arasında gərginliyin azaldılmasına, bu ilin sonunda yüksək səviyyədə görüş üçün şəraitin yaradılmasına yönəldilib.

İyulun 12-də Vyanada həmsədrlərlə birgə görüşdə hər iki xarici işlər naziri həmin məqsədlərə sadiq qaldıqlarını bir daha bəyan ediblər  və yaxın zamanlarda gələcək danışıqların planını müzakirə ediblər.  -02D-