Mətbuat-Monitorinq 14-15.07.13
Rəsmi qəzetlər əksər səhifələrini mərhum dövlət başçısı Heydər Əliyevin 1969-cu ildə Sov.İKP-nin Azərbaycan təşkilatına birinci katib təyin olunmasına həsr ediblər.
“Azadlıq” qəzeti ölkənin ət bazarının inhisara alınması sahəsində kənd təsərrüfatı və fövqəladə hallar nazirlərinin “savaşa” başlamasını manjetə çıxarıb.
“Heydər Əliyev Azərbaycan elitasını necə dağıtdı?” məqaləsində H.Əliyevin ölkənin adlı-sanlı ziyalılarını geridə qalmışlıqda, səhlənkarlıq və millətçilikdə ittihama məruz qoyması faktları ortaya qoyulur.
Qəzet 1969-cu il iyulun 14-də H.Əliyevin hakimiyyətə gəlməsi münasibətilə 2013-cü ilin eyni günündə Bakıda atəşfəşanlığın düzənlənməsini “kommunist partiyasının şərəfinə atəşfəşanlıq” adlandırır.
Lerikdə yaşayan AXCP üzvü, bloqer Azər Kazımzadəyə korrupsiya ilə bağlı yazılarına görə təzyiqlər, ailəsinin ünvanına təhqirlər başlayıb.
Ölkənin gənc siyasi fəalları Ülvi Həsənli, Məcid Mərcanlı və NİDA Hərəkatının üzvü Kənan Qasımlı saxlanılıb, harada saxlandıqları bəlli deyil.
Xaricdən yayımlanan “Azərbaycan saatı” verilişinin yaradıcısı Qənimət Zahid verilişin yayımına rəsmi Bakının müdaxilələr etdiyini, hətta indiyə kimi Əliyev rejiminin Türkiyənin 50-yə yaxın telekanalının proqramını vurduğunu açıqlayıb.
Ölkənin şimal bölgəsində postların qurulduğunu yazan qəzet hüquq-mühafizə orqanlarının buna aydınlıq gətirmədiyini bildirir.
Qobustan rayonunun hərbi komissarı Anar İsmayılov 500 min manatlıq sövdələşməyə görə həbsə alınıb.
Nərimanov rayon mühafizə polisinin Əli adlı əməkdaşı xidməti silahı ilə özünü vurub.
Deputat Mehriban Əliyevanın namizədliyini irıəli sürən qüvvələr iyulun sonunda qurultay keçirməklə prosesi rəsmiləşdirmək qərarı veriblər.
“Yeni Müsavat” Mərkəzi Bankın rəhbəri Elman Rüstəmovun İpoteka Fonduna bina tikilməsi adı ilə 10 milyon manatı mənimsəməsini ilk səhifəyə çıxarıb.
Keçmiş deputat Gültəkin Hacıbəyliyə məxsus mənzil məhz Milli Şura üzvü olduğu üçün müsadirə edilir.
Müxalifət qüvvələrinin vahid namizədi kimi Rüstəm İbrahiməbyovun adı çəkilsə də Müsavat Partiyası Məclisində İsa Qəmbərin namizədlyini geri götürməməsinə hüquqşünas Vidadi Mirkamal “R.İbrahimbəyov Bakıya gəlməli, İsa bəylə anlaşılmazlığı aradan qaldırmalıdır” şərhini verib.
ABŞ-da Azərbaycanla bağlı dinləmələrə münasibət ifadə edən vətəndaş cəmiyyəti institutlarının təmsilçiləri rəsmi Vaşinqtona “neft naminə əməkdaşlıq” siyasətinə dəyişiklik etməsi zamanı” təklifi səsləndiriblər.
“Bakı Xəbər” ekspertlərə istinadən alimentin ödənilməməsinin “iqtisadi zorakılıq” kimi statistikaya salınmasını irəli sürərək, alimentdən yayınan adamın 6 aydan 3 ilədək həbs olunmasını məqbul sayır.
Vətəndaş cəmiyyəti institutlarının nümayəndələri Azərbaycanda 40 yaşdan yuxarı kişilərin işə qəbulunda problemlərin yaranmasına diqqət çəkərək bunu “”yaşa görə gizli diskriminasiya” adlandırırlar.
-
- Siyasət
- 15 İyul 2013 12:52
Cəmiyyət
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Rəy yaz