N!DA və “Azad gənclik” hərəkatının fəalları Kənan Qasımlı, Məcid Mərcanlı və Ülvi Həsənli polis tərəfindən girov götürülüb və hərəkat onların dərhal azadlığa buraxılmasını tələb edir. Bu barədə təşkilatın Turan agentliyinə göndərilən bəyanatında deyilir. Onlarla yanaşı daha bir fəal Emil Bağırov da saxlanılıb. Lakin o, sonradan buraxılıb.
Bəyanatda qeyd olunur ki, bazar günü axşam onları “Nizami” metro stansiyasının polis şöbəsindən aparıblar və indiyədək saxlandıqları yer məlum deyil. DİN bununla bağlı heç bir məlumat vermir.
“N!DA fəallarının girov götürülməsi prosesi bu ilin martından gedir ki, bu da Azərbaycan hakimiyyətinin fəal gənclərə qarşı repressiyasıdır. Son saxlama həmin repressiyaların növbəti dalğasıdır”, - bəyanatda deyilir.
“Prezident seçkiləri ərəfəsində bu cür addımlar onsuz da Azərbaycanın mənfi olan imicinə növbəti zərbəni vurur”, - bəyanatda deyilir.
Sənəddə repressiyalara son qoyulması, bütün saxlanılanların və həbsdə olan gənc fəalların azadlığa buraxılması tələb olunur.—16/06D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz