ATƏT missiyasının statusunun endirilməsinin arxasında nə durur?

ATƏT-in Azərbaycandakı təşkilatının ofisinin

statusunun endirilməsi ilə bağlı ATƏT Daimi Şurasının qərarı bir sıra sual doğurur.

İlk növbədə ATƏT ölkələri, dəqiq desək ABŞ-ın timsalında Qərb onun daxili işlərinə müdaxilənin minimuma endirilməsini istədiyini gizlətməyən

Bakının bu ideyasının əleyihinə çıxıblar. Rəsmi Bakı məhz bu təhlükəni   ATƏT missiyasının iştirakında görürdü. ATƏT missiyası monitorinqlər keçirir, “dəyimi masa”lar təşkil edir, dövlət orqanları, vətəndaş cəmiyyəti, KİV üçün müxtəlif layihələri maliyyələşdirirdi.

Bütün bunlar seçki dövründə daha da canlandırılmışdı  və hakimiyyət üçün başağrısına çevrilmişdi. Belə ki, hakimiyyət demokratiyanın pozulması ilə bağlı tənqidə cavab verməli idi.

Bundan sonra bu, az olacaq. Hər halda Bakı ümid edir ki, ofisin səlahiyyətinin məhdudlaşdırılması məhz buna gətirib çıxaracaq.

Hələlik bununla bağlı heç bir şərh yoxdur. Lakin məlumdur ki, Vaşinqton nəyinsə müqabilində buna razılıq verib. Bütün məsələ də bundadır ki, nəyin?

Qərar 2014-cü il yanvarın 1-dən qüvvəyə minsə də ölkədə xarici iştirakın sərtləşdirilməsi və məhdudlaşdırılması tendensiyasının davam etməsindən 

kifayət qədər simptomatik şəkildə xəbər verir.

“Azadlıq” və “Amerikanın səsi” radiolarının yayımının məhdudlaşdırılması, ABŞ Milli Demokratiya İnstitutunun (NDİ) fəaliyyətinə faktiki qadağa və digər addımlar bir zəncirin halqasıdır.

Hakimiyyətin növbəti addımı xarici donorların dəstəyini alanların əcnəbi agentlər elan olunması ilə bağlı Rusiyanın təcrübəsinin tətbiqi, QHT sahəsində qanunvericiliyin sərtləşdirilməsi ola bilər.

Bütün bunlar Azərbaycan cəmiyyəti üçün yaxşı heç nə vəd etmir. Burada ən əsası hakimiyyətin iyirmi ildən artıq dəyişməyən siyasəti deyil. Ən pis olanı neft və boru kəmərləri maraqlarının təzyiqi altında demokratik dəyərlərdən geri çəkilən Qərbin mövqeyidir.

Ötən əsrin 70-ci illərinin sonlarında islam inqilabı ərəfəsində ABŞ İrana qarşı da özünü belə aparmışdı. -02В-