MŞ vahid namizədin secki təbliğatı məsələlərini müzakirə edib

İyulun 27-i Milli Şuranın vahid namizədinin Seçki Qərargahının və Milli Şuranın İctimai Əlaqələr Komissiyasının  seçki kampaniyası dövründə seçki təbliğatı, piarın təşkili, siyasi strategiyanın qurulması ilə bağlı birgə iclası keçirilib. 

Milli Şuranın seçki kampaniyası dövründə KİV-də təbliğatının təşkili, işıqlandırılması, ümumiyyətlə təbliğatla bağlı siyasətin istiqamətləri müəyyənləşdirilib. Demokratik düşərgənin informasiya resurslarında, eyni zamanda sosial şəbəkələrdə Milli Şuranın fəaliyyətinin təbliği ilə bağlı xüsusi fəaliyyət planı, atacağı addımlar müəyyənləşdirilib.  Seçicilərlə təbliğatda indiyə qədər toplanmış təcrübə ilə yanaşı, beynəlxalq praktikanın tətbiqi nəzərdə tutulub. 

Gələcək Etimad Hökümətinin xalqa mesajlarının, hədəflərinin  çatdırılmasının yolları barədə müzakirələr aparılıb və müvafiq qərarlar qəbul edilib. Qərara alınıb ki, vətəndaşları narahat edən problemlərin çözülməsi, regionların sosial-iqtisadi inkişafıyla bağlı Milli Şuranın konsepsiyasının cəmiyyətə çatdırılması  seçki kampaniyasının əsas istiqamətlərindən biri olmalıdır. Bundan başqa Milli Şuranın İctimai Əlaqələr  Komissiyasının və vahid namizədin Seçki Qərargahının mətbuat və təbliğat strukturlarının işlərinin əlaqələndirilməsi ilə bağlı müvafiq qərarlar qəbul olunub.

Хəbəri Milli Şuranən mətbuat xidməti yayıb.—06D--