Milli Şura 6 partiya rəhbəri və MŞ komissiyaları tərkibində gələn həftə Şuranın sədri, demokratik qüvvələrin vahid namizədi Rüstəm İbrahimbəyovla məsləhətləşmək üçün Tbilisiyə gedəcək.
Tbilisidə görüş zamanı Azərbaycandakı vəziyyət və İbrahimbəyovun Bakıya qayıdış planı müzakirə ediləcək. Müxalifətin və vətəndaş cəmiyyətinin vahid namizədi MŞ üzvlərinə ABŞ, Avropa və Rusiyadakı yüksək səviyyəli görüşləri barədə məlumat verəcək.
Azərbaycan hakimiyyəti İbrahimbəyova qarşı dövlət əmlakını mənimsəməyə görə cinayət işi qaldırıb və Bakıya qayıtdığı təqdirdə onun həbs təhlükəsi var. Amma o, geri addım atmaq niyyətində deyil və oktyabrda keçiriləcək prezidentliyə namizədlərin rəsmi qeydiyyatı üçün 19 avqusta kimi vətənə qayıtmaq niyyətindədir.
İyunda müxalifətin vahid namizədi irəli sürülmüş 72 yaşlı məşhur dramaturq prezident İlham Əliyevin avtoritar rejimi ilə mübarizə və demokratik dövlət qurulculuğuna başlamaq üçün siyasi mübarizə yoluna qədəm qoyub, deyə Turan məlumat verir. —0—
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz