Avropa İnsan Hüquqları Məhkəməsi Üzeyir Cəfərovun işi üzrə kommunikasiyaya başlayıb
Avropa İnsan Hüquqları Məhkəməsi (AİHM) “Gündəlik Azərbaycan” və “Realnıy Azerbaydjan” qəzetlərinin keçmiş əməkdaşı Üzeyir Cəfərovun şikayəti üzrə kommunikasiyaya başlayıb. Bu barədə Turan-a Media Hüququ İnstitutunun proqram üzrə koordinatoru, AİHM-də Ü.Cəfərovun maraqlarını təmsil edən Xalid Ağəliyev bildirib.
Onun sözlərinə görə, Strasburq məhkəməsi qoyulan suala cavab vermək üçün oktyabrın 16-dək Azərbaycana vaxt verib.
Ü.Cəfərov Avropa İnsan hüquqları Konvensiyasının 10-cu (fikrin ifadə olunması azadlığı), 6-cı (ədalətli məhkəmə çəkişməsi) və 2-ci (yaşamaq hüququ) maddələri ilə zəmanət verilmiş hüquqlarının pozulduğunu bildirib. Ü.Cəfərov ona dəyən fiziki və mənəvi zərərin, məhkəmə xərclərinin ödənilməsini tələb edir.
Ü.Cəfərov orduda nöqsanları və problemləri sərt tənqid etməsi ilə tanınır. 2007-ci ildə ordu haqqında tənqidi məqalə dərc etdirdiyinə görə döyülüb. Belə ki, İnşaatçılar prospektində naməlum şəxslər ona hücum edərək döyüblər.
Faktla bağlı Yasamal polisində 132-ci maddə (döyülmə) üzrə cinayət işi qaldırılıb. Lakin iş sona çatdırılmayıb və heç kim cəzalandırılmayıb. Ü.Cəfərovun polisin fəaliyyətsizliyi ilə bağlı şikayətləri təmin olunmayıb.
Ü.Cəfərov ona hücum edən şəxsi,polis əməkdaşı Nəbi Nəcəfovu tanıyıb. Ü.Cəfərov ona hücumu təşkil edən şəxslərin cəzalandırılmasına nail olmaq niyyətindədir.—16D-
-
- İqtisadiyyat
- 10 İyul 2013 15:42
-
- İqtisadiyyat
- 10 İyul 2013 16:07
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz