Avropa İnsan Hüquqları Məhkəməsi Vidadi İsgəndərlinin hüquqlarının pozulduğunu tanıyıb

Bakı/17.03.22/Turan: Martın 17-də  Avropa İnsan Hüquqları Məhkəməsi azərbaycanlı fəal Vidadi İsgəndərlinin şikayəti üzrə qərar elan edib. Bu barədə Turan-a Avropa İnsan Hüquqları Məhkəməsinin Azərbaycan üzrə qərarlarının monitorinq qrupunun rəhbəri Xalid Ağaliyev bildirib.

Onun sözlərinə görə, ərizəçi həbsdə saxlanma şəraitindən, məhkəməyə qədərki həbsdən və onun müddətinin uzadılmasından şikayət edib.

"Avropa Məhkəməsi hesab edib ki, məhkəməyə qədərki həbs qərarı ərizəçinin azadlıq və şəxsi toxunulmazlıq hüququnu pozub", - ekspert deyib.

Avropa İnsan Hüquqları Məhkəməsi  İsgəndərlinin hüquqlarının pozulduğunu tanıyıb.

“Məhkəmə hesab edib ki, ərizəçinin məhkəməyə qədər həbs edilməsi qərarı onun azadlıq və toxunulmazlıq hüququnu pozub”, - ekspert deyib.

Avropa İnsan Hüquqları Məhkəməsi  İsgəndərlinin Avropa Konvensiyasının 5.3-cü maddəsi (məhkəməyə qədər həbs üçün əsasların olmaması) üzrə hüquqlarının pozulduğunu tanıyıb. Strasburq məhkəməsi İsgəndərliyə mənəvi zərərə görə 3 min avro və məhkəmə xərclərinə görə 500 avro ödənilməsini qərara alıb.

Bununla yanaşı, Avropa İnsan Hüquqları Məhkəməsi  onun Avropa İnsan Hüquqları Konvensiyasının 3-cü (işgəncələrin qadağan edilməsi) və 6-cı (ədalətli məhkəmə araşdırması) maddələri üzrə hüquqlarının pozulması barədə iddiaları qəbul etməyib.

*Vidadi İsgəndərli 2011-ci ildə etiraz aksiyasında saxlanılıb və inzibati qaydada 15 gün müddətinə həbs olunub. Nəsimi polisində onu iki gün su və yemək vermədən yeddi nəfərlə birlikdə darısqal kamerada saxlayıblar.

Həbs müddətinin sonunda ona 2010-cu ildə keçirilmiş parlament seçkilərinin gedişinə "müdaxilə" ilə bağlı cinayət ittihamı irəli sürülüb. İsgəndərli 3,5 il müddətinə azadlıqdan məhrum edilib. Ancaq 2012-ci ilin dekabrında  əfv edilib.

Azad edildikdən sonra müxalifətçilik fəaliyyətini fəaliyyətini davam etdirib, sonra isə Avropaya mühacirət edib.-16B-