Avropa Parlamenti Azərbaycanlı deputatın bəyanatını təkzib edib
Avropa Parlamenti Azərbaycanda prezident seçkilərinə müşahidəçi göndərilməsi haqqında qərarı sentyabrda qəbul edəcək. Bu barədə Avropa Parlamentinin mətbuat xidmətinin rəhbəri Marjori van den Broeke bildirib, xəbəri “Azadlıq” radiosu yayıb.
O, Avropa Parlamentinin üzvləri tərəfindən seçkilərin monitorinqi aparılacaq ölkələr siyahısı haqqında məlumatları təkzib edib. Onun sözlərinə görə, ilin ikinci yarısında seçkilər keçiriləcək ölkələrin siyahısı var.
“Bir həftə əvvəl parlament üzvləri hansı ölkələrdə monitorinq aparılmalı olduğunu müzakirə ediblər. Lakin hər-hansı ölkə ilə bağlı qərar qəbul edilməyib. Qərar parlamentin prezidenti və siyasi qrupların rəhbərləri tərəfindən sentyabrda qəbul edilə bilər”, deyə Broeke bildirib.
Onun sözlərinə görə, seçkilərin monitorinqi haqqında qərarlar yarım ildə bir qəbul edilir.
Azərbaycanda seçkilərin monitorinqindən imtina edilməsi təklifinin səslənib-səslənməməsi haqqında suala Broeke mənfi cavab verib.
Qeyd edək ki, dünən Azərbaycan parlamentinin üzvü Elxan Süleymanov bir sıra KİV-lərə bildirib ki, Avropa Parlamenti Azərbaycanı seçkilərin monitorinqinə ehtiyacı olan ölkələr siyahısından çıxarıb, belə ki, ölkədə kifayət qədər demokratik mühit var. -06D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz