Açiq mənbələrdən foto.
Bakı/23.11.22/Turan: Avropa İttifaqının Parlamenti noyabrın 23-də Strasburqda RF-nin Ukraynaya qarşı hərbi təcavüzü ilə əlaqədar Rusiyanın terrorçuluğa sponsorluq edən dövlət kimi tanınması haqqında qətnamə qəbul edib.
Avropa deputatları RF prezidenti Vladimir Putini və Rusiya hökumətini beynəlxalq tribunal qarşısında məsuliyyətə cəlb etmək üçün zəmin hazırlamaq niyyətindədirlər, bu barədə Avropa Parlamentinin saytında yer alan məlumatda deyilir.
Avropa İttifaqında üçüncü ölkənin terrorçuluğa sponsorluq edən dövlət kimi tanınması üçün hüquqi əsas yoxdur, deyə daxili işlər üzrə Avropa Komissarı İlva Yohansson 18 oktyabr 2022-ci il tarixində bildirib. Buna görə Avropa Parlamenti öz qətnaməsində Aİ-ni və ona daxil olan ölkələri terrorçuluğa sponsorluq edən dövlətləri və terrorçuluğa əl atan dövlətləri müəyyən etmək üçün hüquqi əsas işləyib hazırlamağa çağırır.
Xatırladaq ki, bir müddət əvvəl ATƏT-in Parlament Assambleyası Rusiya haqqında bənzər qətnamə qəbul edib. 02D
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz