Bugünki mətbuatda gedən məlumatları Turan-a şərh edən Pənah Hüseyn bildirib ki, hələlik İctimai Palatanın Koordinasiya Şurasından istefa haqqında qəti qərar qəbul edilməyib.
Bu gün bir sıra KİV-lər Pənah Hüseyn, Zəfər Quliyev və Köçəri Nağıbəylinin qurumdan istefa verdikləri haqda xəbər yayıb. Yayılan məlumatlara görə buna səbəb Avropa Parlamentinin Azərbaycan zabiti Ramil Səfərovla bağlı qərarına İctimai Palata təmşilçilərinin YAP-la birgə imza atmasıdır. Şura üzvləri bu məsələnin Şura üzvlərilə razılaşdırılmadığını deyirlər.
Adı çəkilən şəxslər və KŞ-nin bir sıra digər üzvləri bu qətnamənin tənqid edilməsini yanlış hesab edir, belə ki, qətnamə bütünlükdə Azərbaycanı deyil, ölkə hakimiyyətinin siyasətini pisləyir. Buna görə onlar Müsavat və AXCP-nin hakim partiyanın Avropa Parlamentinin qətnaməsini pisləyən bəyanatına qoşulmasını səhv addım sayır.
Pənah Hüseynin sözlərinə görə, KŞ-nın sentyabrın 21-də gözlənilən növbədənkənar toplantısında bu məsələ müzakirə ediləcək. -05B-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz