![Avropa Şurası Parlament Assambleyasının qətnamə layihəsində Azərbaycanın səlahiyyətləri barədə nə deyilir ?](https://turan.az/resized/news/2024/AKKbfHs3NHkoErknLYw6z2pkIDsptGuZ2LYdsJnS-750-500-resize.webp)
Avropa Şurası Parlament Assambleyasının qətnamə layihəsində Azərbaycanın səlahiyyətləri barədə nə deyilir ?
Avropa Şurası Parlament Assambleyasının qətnamə layihəsində Azərbaycanın səlahiyyətləri barədə nə deyilir ?
Yanvarın 24-də axşam Strasburqda Azərbaycan nümayəndə heyətinin Avropa Şurasında səlahiyyətlərinin məhdudlaşdırılmasını nəzərdə tutan qətnamə qəbul ediləcək.
Bu sənədin layihəsi Avropa Şurası Parlament Assambleyasının saytında dərc olunub. Oradakı yeddi bənddə deyilir ki, 25 yanvar 2001-ci ildə Avropa Şurasına qoşulan Azərbaycan Avropa Şurası Parlament Assambleyasının üzvünün qarşısına qoyulan öhdəliklərə əməl etməyə razılıq verib.
"Assambleya təəssüflənir ki, Avropa Şurasına daxil olduğu vaxtdan 20 ildən çox müddətdən sonra Azərbaycan əsas öhdəlikləri yerinə yetirməyib. Onun azad və ədalətli seçkilər keçirmək qabiliyyəti, hakimiyyət bölgüsü, qanunverici hakimiyyətin icra hakimiyyətinə qarşı zəifliyi, məhkəmə hakimiyyətinin müstəqilliyi və insan hüquqlarına hörmətlə yanaşılması məsələləri əvvəlkitək ciddi narahatlıq doğurur ki, Avropa İnsan Hüquqları Məhkəməsinin çoxsaylı qərarları və Hüquq Vasitəsilə Demokratiya Uğrunda Avropa Komissiyasının (Venesiya Komissiyası) rəyləri bundan xəbər verir.
Qətnamənin dördüncü bəndində Dağlıq Qarabağdakı vəziyyət yada salınır. Xüsusilə, Əsasən, Laçın dəhlizində insan hüquqlarının pozulmasından və Avropa Şurası Parlament Assambleyasının "2023-cü ilin sentyabrında Azərbaycan ordusunun Dağlıq Qarabağın bütün erməni əhalisinin qaçışına səbəb olan hərbi əməliyyatını pisləməsindən" danışılır.
Qətnamədə ayrı bənd ilə siyasi məhbuslar problemi və hakimiyyətin Monitorinq Komitəsinin məruzəçilərini siyasi məhbuslarla görüşə buraxmaqdan imtina etməsi qeyd olunur.
“Avropa Şurası Parlament Assambleyası həmçinin təəssüf edir ki, onu qarşıdakı prezident seçkilərini müşahidə etməyə dəvət etməyiblər. Halbuki, Azərbaycanın belə dəvət göndərmək öhdəliyi var”.
Assambleya bu imtinaları "əməkdaşlığın olmaması" kimi qiymətləndirir və hakimiyyətin "Azərbaycanda jurnalistlərin və hüquq müdafiəçilərinin həyatına və təhlükəsizliyinə təhdidlər" üzrə məruzəçini ölkəyə buraxmaqdan imtina etməsini pisləyir. Məruzəçinin ölkəyə girişindən üç dəfə imtina edilib.
Avropa Şurası Parlament Assambleyası təəssüflənir ki, Miqrasiya, qaçqınlar və köçkünlər komitəsinin məruzəçisi regiona tanışlıq səfəri zamanı Azərbaycana dəvət olunmayıb və beləliklə, Laçın dəhlizinə gedə bilməyib.
"Ona görə də Assambleya Azərbaycan nümayəndə heyətinin səlahiyyətlərini təsdiq etməmək qərarına gəlir".
Yuxarıda göstərilən səbəblər aradan qaldırıldığında Azərbaycan nümayəndə heyətinin səlahiyyətləri bərpa edilə bilər.
Rəy yaz
-
- Maliyyə
- 24 Yanvar 2024 13:37
Siyasət
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
-
İyulun 17-18-də Bakıda Korsika, Melaneziya, Polineziya, Karib və Antil adaları qrupundan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə birinci qurultayı keçiriləcək. Qurultayı Qvadelupanın azadlığı naminə Xalq Birliyi və Bakı Təşəbbüs Qrupu təşkil edib. .
-
Prezident İlham Əliyev "Respublika Qan Bankı" publik hüquqi şəxsin yaradılması haqqında fərman imzalayıb.
-
Dövlət başçısının sərəncamı ilə Eyvaz Qurbanov Oğuz rayonunun icra başçısı vəzifəsindən azad edilib.
1 rəy
Gagik
2024-01-24
Vsyo pravilno skazanno , kak govoritsya dobavit nechem.