Avropa Şurasının baş katibi Əli İnsanovun işinin sonuna qədər getməyi vəd edir
Bir qrup ictimaiyyət nümayəndəsi sabiq səhiyyə naziri Əli İnsanovun hüquqlarının pozulmaqda davam etməsi ilə əlaqədar Avropa Şurasına müraciət edib AŞ Baş Katibi Tornbyern Yaqlandın cavabında deyilir ki, Avropa İnsan Hüquqları Məhkəməsi Azərbaycan üzrə bir neçə işlə məşğul olur.
“Yekun qərarlar qəbul olunmuş işlər üzrə həmin qərarların tam yerinə yetirilməsinin təmin edilməsi məqsədilə Avropa Şurası Nazirlər Komitəsi tərəfindən monitorinq aparılacaq. Bu, cənab Ə.İnsanovun işinə də aiddir.
Bu yaxınlarda Azərbaycana səfərim zamanı AŞ-ın diqqətini cəlb etmiş işlər üzrə məsələləri yüksək səviyyədə qaldırdım. Sizi inandırmaq istəyirəm ki, Azəbaycanın sədrliyi zamanı və ondan sonra AŞ-ın müxtəlif institutları hakimiyyətin AŞ dəyərlərinə və prinsiplərinə hörmət etməsi məsələsinə diqqət göstərməkdə davam edəcəklər”.
Bu barədə Turan agentliyinə keçmiş səhiyyə nazirinin yaxınları bildiriblər.
Xatırladaq ki, Əli İnsanov 2005-ci ildə mənimsəmə ittihamı ilə 11 il müddətinə həbs edilib. O, əvvəlcə dövlət çevrilişinə cəhddə ittiham olunub, lakin sonradan bu ittiham ləğv edilib.
2013-cü ildə Avropa İnsan Hüquqları Məhkəməsi İnsanovun ədalətli mühakimə hüququnun pozulması haqqında qərar çıxarıb və hakimiyyətin üzərinə ona təzminat ödəmək öhdəliyi qoyub. Lakin bu qərar icra edilməyib. -02В-
-
- İqtisadiyyat
- 24 İyul 2014 16:11
-
- Siyasət
- 24 İyul 2014 17:39
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz